---
title: "മകന്റെ വേർപാടിൽ മനം നൊന്ത് ഒന്നൊര വർഷം ; വീട്ടമ്മയെ റെയിൽ പാതയിൽ മരിച്ച നിലയിൽ കണ്ടെത്തി"
english_title: "Naruvamoodu housewife found dead railway track Mini death"
publisher: "piravomnews.in"
canonical_url: "https://piravom.truevisionnews.com/news/387884/housewife-found-dead-railway-track-mini"
published_at: "2026-10-20T12:53:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6ad717c4b26c3_1000792283.jpg"
keywords: ["Railway death", "Police", "Found dead", "Thiruvanthapuram"]
---

# മകന്റെ വേർപാടിൽ മനം നൊന്ത് ഒന്നൊര വർഷം ; വീട്ടമ്മയെ റെയിൽ പാതയിൽ മരിച്ച നിലയിൽ കണ്ടെത്തി

> **Lead Summary:** തിരുവനന്തപുരം:നരുവാമൂട് മൊട്ടമൂട്ടിൽ വീട്ടമ്മയെ റെയിൽ പാതയിൽ മരിച്ച നിലയിൽ കണ്ടെത്തിയതായി റിപ്പോർട്ട്. മൊട്ടമൂട് വള്ളോട്ടുകോണം പുത്തൻവീട്ടിൽ മധുവിന്റെ ഭാര്യ മിനി ആണ് മരിച്ചതെന്നാണ് വിവരം. തിരുവനന്തപുരം - കന്യാകുമാരി റെയിൽ പാതയിൽ ഉച്ചയോടെയായിരുന്നു സംഭവം നടന്നതെന്ന് പോലീസ് പറയുന്നു.

## Article Content

തിരുവനന്തപുരം:നരുവാമൂട് മൊട്ടമൂട്ടിൽ വീട്ടമ്മയെ റെയിൽ പാതയിൽ മരിച്ച നിലയിൽ കണ്ടെത്തിയതായി റിപ്പോർട്ട്. മൊട്ടമൂട് വള്ളോട്ടുകോണം പുത്തൻവീട്ടിൽ മധുവിന്റെ ഭാര്യ മിനി ആണ് മരിച്ചതെന്നാണ് വിവരം. തിരുവനന്തപുരം - കന്യാകുമാരി റെയിൽ പാതയിൽ ഉച്ചയോടെയായിരുന്നു സംഭവം നടന്നതെന്ന് പോലീസ് പറയുന്നു.

തൊഴിലുറപ്പ് തൊഴിലാളിയായ മിനിയെ റെയിൽ പാതയിൽ മരിച്ച നിലയിൽ കണ്ടെത്തിയതായാണ് റിപ്പോർട്ട്. തിരുനെൽവേലിയിൽ നിന്ന് കൊല്ലത്തേക്ക് വന്ന ചരക്ക് തീവണ്ടിയുമായി ബന്ധപ്പെട്ടാണ് സംഭവമെന്നാണ് പ്രാഥമിക വിവരം. സംഭവത്തിൽ നരുവാമൂട് പോലീസ് കേസെടുത്ത് അന്വേഷണം ആരംഭിച്ചിട്ടുണ്ടെന്ന് റിപ്പോർട്ടിൽ പറയുന്നു.

മിനിയുടെ മൂത്ത മകൻ ഒന്നര വർഷം മുൻപ് ആഴിമലയിൽ അപകടത്തിൽപ്പെട്ട് മരിച്ചിരുന്നതായും വിവരമുണ്ട്. പാറയിൽ നിന്ന് കാൽവഴുതി കടലിൽ വീണായിരുന്നു മകന്റെ മരണമെന്നാണ് റിപ്പോർട്ട്. ഈ വിയോഗത്തെ തുടർന്നുണ്ടായ മാനസിക വിഷമമാണ് മരണകാരണമെന്നാണ് പോലീസിന്റെ പ്രാഥമിക നിഗമനമെന്നാണ് റിപ്പോർട്ടിൽ പറയുന്നത്. പോലീസ് അന്വേഷണം തുടരുകയാണെന്നും വിവരമുണ്ട്.

**

English Summary:**

A 49-year-old housewife was found dead on the railway track at Mottamoodu in Naruvamoodu, Thiruvananthapuram. Deceased is Mini, wife of Madhu from Mottamoodu Vallottukonam Puthenveettil. Incident occurred around noon on Thiruvananthapuram-Kanyakumari route, involving a goods train from Tirunelveli to Kollam. Naruvamoodu police registered case and started probe. Her elder son had died in an accident at Azhimala one and half years ago. Police suspect personal distress as preliminary reason.

_മാനസിക വിഷമം അനുഭവിക്കുന്നവർ സഹായത്തിനായി 1800-599-0019 (Kiran) അല്ലെങ്കിൽ 1056 എന്ന നമ്പറിൽ വിളിക്കാവുന്നതാണ്._

### Related Links & Sources
- [Original Story Source](https://piravom.truevisionnews.com/news/387884/housewife-found-dead-railway-track-mini)