---
title: "എറണാകുളത്ത് ലോഡ്ജ് കേന്ദ്രീകരിച്ച് അനാശാസ്യ കേന്ദ്രം നടത്തിയ നാലംഗ സംഘം അറസ്റ്റിൽ"
english_title: "Cherai lodge prostitution racket busted four arrested Munambam police"
publisher: "piravomnews.in"
canonical_url: "https://piravom.truevisionnews.com/news/387734/ernakulam-lodge-prostitution-racket-four-arrested"
published_at: "2026-10-19T12:50:00+05:30"
category: "Ernakulam "
language: "ml"
image: "https://cf.zdn.im/img/truevisionnews.com/0/image-uploads/6ad5c4bf10fb5_1000791079.jpg"
keywords: ["police", "lodge raid", "prostitution racket arrested", "ernakulam crime news"]
---

# എറണാകുളത്ത് ലോഡ്ജ് കേന്ദ്രീകരിച്ച് അനാശാസ്യ കേന്ദ്രം നടത്തിയ നാലംഗ സംഘം അറസ്റ്റിൽ

> **Lead Summary:** എറണാകുളം : ചെറായിലെ ലോഡ്ജ് കേന്ദ്രീകരിച്ച് അനാശാസ്യ കേന്ദ്രം പ്രവർത്തിപ്പിച്ചുവെന്നാരോപിച്ച് നാലംഗ സംഘം അറസ്റ്റിലായതായി റിപ്പോർട്ട്. മുനമ്പം പൊലീസാണ് പ്രതികളെ അറസ്റ്റ് ചെയ്തത്.

## Article Content

എറണാകുളം : ചെറായിലെ ലോഡ്ജ് കേന്ദ്രീകരിച്ച് അനാശാസ്യ കേന്ദ്രം പ്രവർത്തിപ്പിച്ചുവെന്നാരോപിച്ച് നാലംഗ സംഘം അറസ്റ്റിലായതായി റിപ്പോർട്ട്. മുനമ്പം പൊലീസാണ് പ്രതികളെ അറസ്റ്റ് ചെയ്തത്.

ചെറായി പള്ളിപ്പുറം സ്വദേശികളായ മരോട്ടിക്കൽ വീട്ടിൽ ഹരി (55), ഇരുപതിൽ പറമ്പിൽ വീട്ടിൽ രമേഷ് (49), വെച്ചിലേടത്ത് വീട്ടിൽ സുമേഷ് (42), വലിയതറ വീട്ടിൽ പ്രേംനാഥ് (50) എന്നിവരാണ് അറസ്റ്റിലായത്.

ചെറായി ബീച്ച് റോഡിലെ ‘മലയാളീസ്’ ലോഡ്ജിലാണ് അനാശാസ്യ കേന്ദ്രം പ്രവർത്തിച്ചുവന്നിരുന്നതെന്നാണ് റിപ്പോർട്ട്. ചെറായി മർച്ചന്റ്സ് അസോസിയേഷൻ വക കെട്ടിടത്തിൽ വാടകയ്ക്ക് പ്രവർത്തിക്കുന്ന ലോഡ്ജ് കേന്ദ്രീകരിച്ചാണ് പ്രവർത്തനം നടന്നുവന്നിരുന്നതെന്നും വിവരമുണ്ട്.

രഹസ്യ വിവരത്തെ തുടർന്ന് ഞാറക്കൽ സിഐയുടെ നേതൃത്വത്തിൽ മുനമ്പം പൊലീസ് ശനിയാഴ്ച രാത്രി നടത്തിയ റെയ്ഡിലാണ് സംഘം പിടിയിലായതെന്നാണ് റിപ്പോർട്ടിൽ പറയുന്നത്. മുനമ്പം എസ്എച്ച്ഒ എം എസ് ഷെറി, എഎസ്ഐമാരായ രാജേഷ്, വിജയകൃഷ്ണൻ, സിപിഒമാരായ അനു, സിജിത്ത് എന്നിവരടങ്ങുന്ന സംഘമാണ് റെയ്ഡ് നടത്തിയതെന്നും വിവരമുണ്ട്.

ലോഡ്ജ് നടത്തിപ്പുകാരനായ ഹരിയെ സമാന കേസിൽ ഇതിനു മുൻപും പൊലീസ് അറസ്റ്റ് ചെയ്തിട്ടുണ്ടെന്നും പ്രേംനാഥ് പൊലീസുകാരനെ ആക്രമിച്ച കേസിൽ പ്രതിയാണെന്നും നിരവധി ക്രിമിനൽ കേസുകളിൽ ഉൾപ്പെട്ടിട്ടുണ്ട്.

ലോഡ്ജിൽ നിന്ന് നാല് സ്ത്രീകളെ കണ്ടെത്തിയതായി പൊലീസ് പറഞ്ഞതായും റിപ്പോർട്ടിൽ പറയുന്നു. മറ്റു ജില്ലകളിൽ നിന്നും ഏജന്റുമാർ വഴി സ്ത്രീകളെ എത്തിച്ചാണ് കേന്ദ്രം നടത്തിയിരുന്നതെന്നും സ്ഥാപനത്തിന് ലൈസൻസുണ്ടെന്ന് പറഞ്ഞ് തെറ്റിദ്ധരിപ്പിച്ചാണ് എത്തിച്ചിരുന്നതെന്നും എഫ്ഐആറിൽ പറയുന്നതായാണ് വിവരം. ലോഡ്ജ് വാടകയ്ക്കെടുത്ത് പലയിടങ്ങളിൽ നിന്ന് സ്ത്രീകളെ എത്തിച്ച് അനാശാസ്യം നടത്തി പണം വാങ്ങിയിരുന്നതായും എഫ്ഐആറിൽ വ്യക്തമാക്കിയിട്ടുണ്ടെന്നും റിപ്പോർട്ടിൽ പറയുന്നു. ഇതേ ലോഡ്ജിൽ പണം വെച്ച് ചീട്ട് കളിച്ചിരുന്ന സംഘത്തെയും പൊലീസ് കസ്റ്റഡിയിലെടുത്തതായും വിവരമുണ്ട്.

പ്രതികൾ രാഷ്ട്രീയ പ്രവർത്തകരാണെന്ന തരത്തിലുള്ള നാട്ടുകാരുടെ ആരോപണവും റിപ്പോർട്ടിൽ പരാമർശിക്കുന്നുണ്ട്, ഇത് സ്ഥിരീകരിക്കാത്ത ആരോപണമാണ് എന്ന നിലയിൽ മാത്രമാണ് നൽകുന്നത്.

*English Summary*:

A four-member gang allegedly running a vice centre centered on a lodge in Cherai, Ernakulam, was arrested by Munambam police. Those arrested are Hari (55), Ramesh (49), Sumesh (42), Premnath (50), all natives of Pallippuram, Cherai. The operation was at 'Malayalis' lodge on Cherai Beach Road, functioning in a building rented from Cherai Merchants Association. Based on secret information, a raid was conducted on Saturday night led by Njarakkal CI, with Munambam SHO M S Sherry and team. Police said the lodge operator Hari had been arrested earlier in a similar case, and Premnath is accused in a case of attacking a policeman and other criminal cases. Four women were found in the lodge, police said, allegedly brought through agents from other districts. FIR says women were misled saying establishment had licence. Police also took into custody a group allegedly gambling with money in same lodge.

### Related Links & Sources
- [Original Story Source](https://piravom.truevisionnews.com/news/387734/ernakulam-lodge-prostitution-racket-four-arrested)