---
title: "ഏഴാം ക്ലാസ് വിദ്യാർത്ഥിയെ കുളത്തിൽ മരിച്ച നിലയിൽ കണ്ടെത്തി"
english_title: "Mala Puthenchira Class 7 student found dead in pond"
publisher: "piravomnews.in"
canonical_url: "https://piravom.truevisionnews.com/news/387704/class7-student-found-dead-pond"
published_at: "2026-10-19T10:43:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6ad5a84022771_1000790936.jpg"
keywords: ["student death", "pond drowning", "unnatural death case"]
---

# ഏഴാം ക്ലാസ് വിദ്യാർത്ഥിയെ കുളത്തിൽ മരിച്ച നിലയിൽ കണ്ടെത്തി

> **Lead Summary:** മാള പുത്തൻചിറയിൽ ഏഴാം ക്ലാസ് വിദ്യാർത്ഥിയെ വീടിനടുത്തുള്ള കുളത്തിൽ മരിച്ച നിലയിൽ കണ്ടെത്തിയതായി റിപ്പോർട്ട്. പുത്തൻചിറ അമ്പൂക്കൻ വീട്ടിൽ ഷിജോയുടെ മകൻ ആന്റണി ആണ് മരിച്ചതെന്നാണ് വിവരം. കുഴിക്കാട്ടുശ്ശേരി സെന്റ് മേരീസ് ജിഎസ്എച്ച്എസ് സ്കൂളിലെ ഏഴാം ക്ലാസ് വിദ്യാർത്ഥിയാണ് ആന്റണി.

## Article Content

മാള പുത്തൻചിറയിൽ ഏഴാം ക്ലാസ് വിദ്യാർത്ഥിയെ വീടിനടുത്തുള്ള കുളത്തിൽ മരിച്ച നിലയിൽ കണ്ടെത്തിയതായി റിപ്പോർട്ട്. പുത്തൻചിറ അമ്പൂക്കൻ വീട്ടിൽ ഷിജോയുടെ മകൻ ആന്റണി ആണ് മരിച്ചതെന്നാണ് വിവരം. കുഴിക്കാട്ടുശ്ശേരി സെന്റ് മേരീസ് ജിഎസ്എച്ച്എസ് സ്കൂളിലെ ഏഴാം ക്ലാസ് വിദ്യാർത്ഥിയാണ് ആന്റണി.

ഇന്നലെ രാവിലെ 11 മണി മുതൽ കുട്ടിയെ വീട്ടിൽ നിന്നും കാണാതായിരുന്നുവെന്നാണ് വിവരം. തുടർന്ന് മാതാപിതാക്കളുടെ പരാതിയെ തുടർന്ന് നാട്ടുകാരും പൊലീസും ചേർന്ന് നടത്തിയ വ്യാപകമായ തിരച്ചിലിനൊടുവിലാണ് രാത്രിയോടെ സമീപത്തെ കുളത്തിൽ കുട്ടി മരിച്ചുകിടക്കുന്ന നിലയിൽ കണ്ടെത്തിയത്.

കുട്ടിയുടെ മരണ കാരണം എന്താണെന്ന് ഇതുവരെ വ്യക്തമായി വന്നിട്ടില്ലെന്നും റിപ്പോർട്ടിൽ പറയുന്നു. പോസ്റ്റ്‌മോർട്ടം റിപ്പോർട്ട് ലഭിച്ചാൽ മാത്രമേ മരണകാരണത്തിൽ പൂർണ്ണ വ്യക്തത വരൂ എന്ന് മാള പൊലീസ് അറിയിച്ചതായാണ് വിവരം. സംഭവത്തിൽ മാള പൊലീസ് അസ്വാഭാവിക മരണത്തിന് കേസെടുത്ത് വിശദമായ അന്വേഷണം ആരംഭിച്ചു.

**

English Summary: **

A Class 7 student was found dead in a pond near his house in Puthenchira, Mala. Deceased is Antony (12), son of Shijo, Ambookan House, Puthenchira, student of Kuzhikattussery St Mary's GSHS. He was missing since 11 am yesterday. Following parents' complaint, locals and police conducted extensive search and found him dead in a nearby pond at night. Cause of death not yet clear; will be known after post-mortem report. Mala police have registered a case of unnatural death and started detailed investigation.

### Related Links & Sources
- [Original Story Source](https://piravom.truevisionnews.com/news/387704/class7-student-found-dead-pond)