---
title: "വചനാഭിഷേകം' ബൈബിൾ കൺവെൻഷൻ ഡിസംബർ 19 മുതൽ 23 വരെ; മുന്നൊരുക്ക യോഗം ചേർന്നു"
english_title: "Pala Diocese Bible Convention evangelization community"
publisher: "piravomnews.in"
canonical_url: "https://piravom.truevisionnews.com/news/387529/pala-diocese-bible-convention-sebastian-vethanath-evangelization"
published_at: "2026-10-17T19:05:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6ad37a8d70ad7_1000788791.jpg"
keywords: ["pala diocese bible convention", "sebastian vethanath", "pala news", "vachanabhishekam convention"]
---

# വചനാഭിഷേകം' ബൈബിൾ കൺവെൻഷൻ ഡിസംബർ 19 മുതൽ 23 വരെ; മുന്നൊരുക്ക യോഗം ചേർന്നു

> **Lead Summary:** സഭയുടെ നിലനിൽപ്പും വളർച്ചയും സുവിശേഷവൽക്കരണത്തിലും കൗദാശികജീവിതത്തിലും സമുദായശക്തികരണത്തിലും അധിഷ്ഠിതമാണെന്ന് പാലാ രൂപത വികാരി ജനറാൾ മോൺ. സെബാസ്റ്റ്യൻ വേത്താനത്ത് ഓർമ്മിപ്പിച്ചു.

## Article Content

സഭയുടെ നിലനിൽപ്പും വളർച്ചയും സുവിശേഷവൽക്കരണത്തിലും കൗദാശികജീവിതത്തിലും സമുദായശക്തികരണത്തിലും അധിഷ്ഠിതമാണെന്ന് പാലാ രൂപത വികാരി ജനറാൾ മോൺ. സെബാസ്റ്റ്യൻ വേത്താനത്ത് ഓർമ്മിപ്പിച്ചു.

44-ാമത് പാലാ രൂപത ബൈബിൾ കൺവെൻഷന്റെ മുന്നോടിയായി ശാലോം പാസ്റ്ററൽ സെന്ററിൽ ചേർന്ന ആലോചനായോഗത്തിൽ അധ്യക്ഷത വഹിച്ച് സംസാരിക്കുകയായിരുന്നു അദ്ദേഹം.

കൺവെൻഷന്റെ നേതൃനിരയിലുള്ളവരുടെ പ്രവർത്തനങ്ങൾ വചനം കേൾക്കാനും ആഴത്തിൽ പഠിക്കാനും പഠിപ്പിക്കാനും ലക്ഷ്യമിട്ടുള്ളതായിരിക്കണമെന്നും അതോടൊപ്പം സമുദായ ശക്തികരണം പ്രധാന ലക്ഷ്യമായിരിക്കണമെന്നും മോൺ. വേത്താനത്ത് വ്യക്തമാക്കി. സഭയുടെ പ്രവർത്തനങ്ങൾക്ക് ഈ രണ്ട് കാര്യങ്ങളും അടിസ്ഥാനമാണെന്ന നിലപാടാണ് അദ്ദേഹം യോഗത്തിൽ പങ്കുവെച്ചു.

തിരുവനന്തപുരം മൗണ്ട് കാർമൽ ധ്യാനകേന്ദ്രം ഡയറക്ടർ ഫാ. ഡാനിയേൽ പൂവണ്ണത്തിലും ടീമും നയിക്കുന്ന ‘വചനാഭിഷേകം’ ബൈബിൾ കൺവെൻഷൻ 2026 ഡിസംബർ 19 മുതൽ 23 വരെ നടക്കുമെന്നാണ് അറിയിച്ചിരിക്കുന്നത്. വൈകുന്നേരം 3.30 മുതൽ രാത്രി 9 വരെയാണ് കൺവെൻഷൻ നടക്കുക.

കൺവെൻഷനു മുന്നോടിയായി ഒക്ടോബർ 27-ന് ളാലം പഴയപള്ളി ഓഡിറ്റോറിയത്തിൽ സംയുക്ത സമ്മേളനം നടക്കുമെന്നും അറിയിച്ചിട്ടുണ്ട്. രാവിലെ 9.30-ന് നടക്കുന്ന സമ്മേളനത്തിൽ ഇവാഞ്ചലൈസേഷൻ, കരിസ്മാറ്റിക്, കുടുംബ കൂട്ടായ്മ ടീം അംഗങ്ങൾ പങ്കെടുക്കുമെന്നാണ് റിപ്പോർട്ട്. എല്ലാ വോളണ്ടിയേഴ്സും സമ്മേളനത്തിൽ നിർബന്ധമായി പങ്കെടുക്കണമെന്ന് വികാരി ജനറാൾ അറിയിച്ചതായും വിവരമുണ്ട്. യോഗത്തിൽ ഈ വർഷത്തെ ബജറ്റ് ജോണിച്ചൻ കൊട്ടുകാപ്പിള്ളി അവതരിപ്പിച്ചതായും രൂപത ഇവാഞ്ചലൈസേഷൻ ഡയറക്ടർ ഫാ. തോമസ് ഓലായത്തിൽ, അസിസ്റ്റന്റ് ഡയറക്ടർ ഫാ. പോൾസൺ കുന്നുംപുറത്ത് തുടങ്ങിയവർ പങ്കെടുത്തു.

**

*English Summary:***

Msgr. Sebastian Vethanath, Vicar General of Pala Diocese, said that evangelization and community empowerment are essential for the Church's existence and growth. He was speaking at a preparatory meeting for the 44th Pala Diocese Bible Convention at Shalom Pastoral Centre. The 'Vachanabhishekam' Bible Convention led by Fr. Daniel Poovannathil will be held from December 19 to 23, 2026. A joint meeting of various teams will be held on October 27 at Lalam Old Church Auditorium.

### Related Links & Sources
- [Original Story Source](https://piravom.truevisionnews.com/news/387529/pala-diocese-bible-convention-sebastian-vethanath-evangelization)