---
title: "റോഡരികിലെ ഓടയുടെ ഗ്രില്ലിൽ കുടുങ്ങി ബൈക്ക് യാത്രികന് പരിക്ക്; കാലൊടിഞ്ഞു"
english_title: "Kakkanad bike rider leg stuck in drain grill ankle fracture"
publisher: "piravomnews.in"
canonical_url: "https://piravom.truevisionnews.com/news/385261/bike-rider-leg-stuck-drain-grill-ankle-fracture"
published_at: "2026-10-03T06:46:00+05:30"
category: "Ernakulam "
language: "ml"
image: "https://cf.zdn.im/img/truevisionnews.com/0/image-uploads/6ac057e1b8525_1000770632.jpg"
keywords: ["drain grill accident", "Kakkanad", "civil station road"]
---

# റോഡരികിലെ ഓടയുടെ ഗ്രില്ലിൽ കുടുങ്ങി ബൈക്ക് യാത്രികന് പരിക്ക്; കാലൊടിഞ്ഞു

> **Lead Summary:** കാക്കനാട്: റോഡരികിലെ ഓടയ്ക്ക് മുകളിൽ സ്ഥാപിച്ച ഗ്രില്ലിനിടയിൽ കുടുങ്ങി ബൈക്ക് യാത്രികന്റെ കാലൊടിഞ്ഞതായി റിപ്പോർട്ട്. പാലക്കാട് സ്വദേശിയും ജിം പരിശീലകനുമായ പി. ജിഷ്ണുവിനാണ് വലതു കണങ്കാലിൽ ഗുരുതര പരിക്കേറ്റത്. കാക്കനാട് സിവിൽ സ്റ്റേഷൻ - സീപോർട്ട് - എയർപോർട്ട് ലിങ്ക് റോഡിന് സമീപം വെള്ളിയാഴ്ച രാവിലെയാണ് സംഭവം നടന്നത്.

## Article Content

കാക്കനാട്: റോഡരികിലെ ഓടയ്ക്ക് മുകളിൽ സ്ഥാപിച്ച ഗ്രില്ലിനിടയിൽ കുടുങ്ങി ബൈക്ക് യാത്രികന്റെ കാലൊടിഞ്ഞതായി റിപ്പോർട്ട്. പാലക്കാട് സ്വദേശിയും ജിം പരിശീലകനുമായ പി. ജിഷ്ണുവിനാണ് വലതു കണങ്കാലിൽ ഗുരുതര പരിക്കേറ്റത്. കാക്കനാട് സിവിൽ സ്റ്റേഷൻ - സീപോർട്ട് - എയർപോർട്ട് ലിങ്ക് റോഡിന് സമീപം വെള്ളിയാഴ്ച രാവിലെയാണ് സംഭവം നടന്നത്.

ജിമ്മിലെ ജോലിക്ക് ശേഷം ബൈക്ക് എടുത്ത് ഗിയറിലിടുന്നതിനിടെ കാൽ താഴേക്ക് കുത്തിയപ്പോഴാണ് അപകടം സംഭവിച്ചതെന്നാണ് വിവരം. കാൽപ്പാദം ഓടയുടെ ഗ്രില്ലിലെ വലിയ വിടവിലൂടെ ഉള്ളിലേക്ക് ഇറങ്ങിപ്പോവുകയായിരുന്നു. കാൽ കുടുങ്ങിയതോടെ ബൈക്ക് മറിഞ്ഞു വീഴുകയും കണങ്കാലിന്റെ എല്ലിന് പൊട്ടലേൽക്കുകയുമായിരുന്നു.

പരിക്കേറ്റ ജിഷ്ണുവിനെ ഉടൻ എറണാകുളം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചതായി ബന്ധുക്കൾ അറിയിച്ചു. കാലിലെ പൊട്ടലിന് ശസ്ത്രക്രിയ നടത്തി സ്ക്രൂ ഇടേണ്ടി വരുമെന്ന് ഡോക്ടർമാർ അറിയിച്ചതായി പറയപ്പെടുന്നു. നിലവിൽ കാലിൽ പ്ലാസ്റ്ററിട്ടിരിക്കുകയാണ്. ഒന്നര മാസത്തോളം പൂർണ വിശ്രമവും മൂന്നു മാസത്തേക്ക് ഭാരമേറിയ ജോലികൾ ഒഴിവാക്കണമെന്നും ഡോക്ടർമാർ നിർദേശിച്ചിട്ടുണ്ടെന്നാണ് വിവരം.

അതേസമയം, അപകടത്തിന് ഇടയാക്കിയ ഗ്രില്ലിലെ കമ്പികൾക്കിടയിൽ വലിയ വിടവുകളുള്ളത് ഭീഷണിയാണെന്ന് നാട്ടുകാർ പറയുന്നു. ഇതേ ഭാഗത്ത് മുമ്പും സമാന അപകടങ്ങൾ ഉണ്ടായിട്ടുണ്ടെന്നാണ് പ്രദേശവാസികൾ ആരോപിക്കുന്നത്. ഓടയുടെ ഗ്രില്ലുകൾ സുരക്ഷിതമായ രീതിയിൽ പുനർനിർമിച്ച് അപകട സാധ്യത ഒഴിവാക്കണമെന്നാണ് നാട്ടുകാരുടെ ആവശ്യം.

**

English Summary:**

A 23-year-old bike rider suffered an ankle fracture after his leg got stuck in a drain grill by the roadside at Kakkanad. The injured is P. Jishnu, a gym trainer from Palakkad. The incident occurred on Friday morning near Kakkanad Civil Station-Seaport-Airport Link Road while he was trying to gear his bike and his foot slipped into a wide gap in the grill. He fell with the bike. He was admitted to Ernakulam Medical College Hospital, where doctors reportedly advised surgery with screws. Locals alleged the grill gaps are dangerous and similar accidents happened before.

### Related Links & Sources
- [Original Story Source](https://piravom.truevisionnews.com/news/385261/bike-rider-leg-stuck-drain-grill-ankle-fracture)