---
title: "ഓപ്പറേഷൻ തൂഫാൻ: സംസ്ഥാനത്ത് ഇതുവരെ 12322 പേർ അറസ്റ്റിൽ, 11438 കേസുകൾ"
english_title: "Operation Toofan Kerala police 12322 arrested 11438 cases drug seizure update"
publisher: "piravomnews.in"
canonical_url: "https://piravom.truevisionnews.com/news/383967/operation-toofan-kerala-12322-arrested-11438-cases-seizure"
published_at: "2026-09-23T22:30:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6ab4066766056_1000760744.jpg"
keywords: ["Toofan", "Kerala police news", "drug arrest Kerala", "NDPS cases", "Kerala police media centre"]
---

# ഓപ്പറേഷൻ തൂഫാൻ: സംസ്ഥാനത്ത് ഇതുവരെ 12322 പേർ അറസ്റ്റിൽ, 11438 കേസുകൾ

> **Lead Summary:** ഓപ്പറേഷൻ തൂഫാന്റെ ഭാഗമായി സംസ്ഥാനത്തുടനീളം നടത്തിയ പരിശോധനയിൽ ഇതുവരെ 12322 പേരെ അറസ്റ്റ് ചെയ്തതായി സ്റ്റേറ്റ് പോലീസ് മീഡിയ സെന്റർ അറിയിച്ചു. കഴിഞ്ഞ ദിവസം 65 കേസുകളിലായി 72 പേർ കൂടി അറസ്റ്റിലായതോടെ ആകെ കേസുകളുടെ എണ്ണം 11438 ആയി ഉയർന്നു

## Article Content

ഓപ്പറേഷൻ തൂഫാന്റെ ഭാഗമായി സംസ്ഥാനത്തുടനീളം നടത്തിയ പരിശോധനയിൽ ഇതുവരെ 12322 പേരെ അറസ്റ്റ് ചെയ്തതായി സ്റ്റേറ്റ് പോലീസ് മീഡിയ സെന്റർ അറിയിച്ചു. കഴിഞ്ഞ ദിവസം 65 കേസുകളിലായി 72 പേർ കൂടി അറസ്റ്റിലായതോടെ ആകെ കേസുകളുടെ എണ്ണം 11438 ആയി ഉയർന്നു

പോലീസ് നൽകിയ കണക്കുകൾ പ്രകാരം, ഓപ്പറേഷന്റെ ഭാഗമായി ഇതുവരെ 24023.324 ഗ്രാം എം.ഡി.എം.എ, 1531.133 കിലോഗ്രാം കഞ്ചാവ്, 766.309 ഗ്രാം ബ്രൗൺ ഷുഗർ, 5343.069 ഗ്രാം ഹാഷിഷ് ഓയിൽ, 3024 കഞ്ചാവ് ചെടികൾ എന്നിവ പിടിച്ചെടുത്തിട്ടുണ്ട്.

കഴിഞ്ഞ ദിവസം രജിസ്റ്റർ ചെയ്ത കേസുകളിൽ സ്മാൾ ക്വാണ്ടിറ്റി കൈവശം വച്ചതിന് 25 കേസുകളും മീഡിയം ക്വാണ്ടിറ്റി കൈവശം വച്ചതിന് 4 കേസുകളും രജിസ്റ്റർ ചെയ്തതായി പോലീസ് പറയുന്നു. എൻ.ഡി.പി.എസ് ആക്ട് പ്രകാരം 36 കേസുകളും കോട്പ നിയമപ്രകാരം 34 കേസുകളും രജിസ്റ്റർ ചെയ്തിട്ടുണ്ട്.

ഇവരിൽ നിന്ന് 10.230 ഗ്രാം എം.ഡി.എം.എ, 0.623 കിലോഗ്രാം കഞ്ചാവ്, 57.19 ഗ്രാം ബ്രൗൺ ഷുഗർ, ഒരു ഗ്രാം ഹാഷിഷ് ഓയിൽ, 624 കഞ്ചാവ് ചെടികൾ എന്നിവ പിടിച്ചെടുത്തതായി പോലീസ് വ്യക്തമാക്കി.

ലഹരിക്കെതിരായ ബോധവൽക്കരണത്തിന്റെ ഭാഗമായി ഇന്നലെ മാത്രം സംസ്ഥാനത്തുടനീളം 44 ബോധവൽക്കരണ ക്ലാസുകൾ നടത്തിയതായി പോലീസ് അറിയിച്ചു. ഇതുവരെ നടത്തിയ ആകെ ബോധവൽക്കരണ ക്ലാസുകളുടെ എണ്ണം 10081 ആണ്. കൗൺസിലിങ്ങുകളുടെ എണ്ണം 825 ആയി. സ്കൂൾ, കോളേജ് പ്രൊട്ടക്ഷൻ ഗ്രൂപ്പുകളുടെ നേതൃത്വത്തിൽ ആകെ 6971 ബോധവൽക്കരണ പരിപാടികളും നടത്തിയതായി പോലീസ് മീഡിയ സെന്റർ അറിയിച്ചു.

ലഹരി വിപണനത്തെക്കുറിച്ചുള്ള വിവരങ്ങൾ പൊതുജനങ്ങൾക്ക് നേരിട്ട് 9497979794, 9497927797 എന്നീ നമ്പറുകളിലും വാട്സ്ആപ്പ് മുഖേന 9995966666 എന്ന നമ്പറിലും പോലീസിനെ അറിയിക്കാമെന്ന് അധികൃതർ അറിയിച്ചു. ഈ നമ്പറുകളിലേക്ക് ബന്ധപ്പെടുന്നവരുടെ വിവരങ്ങൾ രഹസ്യമായി സൂക്ഷിക്കുമെന്നും പോലീസ് വ്യക്തമാക്കി.

**

English Summary: **

State Police Media Centre said 12,322 people have been arrested so far under Operation Toofan across Kerala and 11,438 cases registered, including 72 arrests in 65 cases yesterday. Seizures include 24,023 gm MDMA, 1,531 kg ganja, 766 gm brown sugar, 5,343 gm hashish oil and 3,024 ganja plants. Police also conducted 10,081 awareness classes and 825 counselling sessions so far.

### Related Links & Sources
- [Original Story Source](https://piravom.truevisionnews.com/news/383967/operation-toofan-kerala-12322-arrested-11438-cases-seizure)