---
title: "എറണാകുളത്ത് ബസിടിച്ച് സ്കൂട്ടർ യാത്രികന് പരിക്ക്; ആശുപത്രിയിൽ ഉപേക്ഷിച്ച് ബസ് ജീവനക്കാർ മുങ്ങിയെന്ന് പരാതി"
english_title: "Private bus hits scooter in Elamkulam injured rider abandoned at hospital complaint filed Panangad police"
publisher: "piravomnews.in"
canonical_url: "https://piravom.truevisionnews.com/news/383251/elamkulam-bus-hits-scooter-rider-injured-abandoned-hospital-panangad-complaint"
published_at: "2026-09-18T11:20:00+05:30"
category: "Ernakulam "
language: "ml"
image: "https://cf.zdn.im/img/truevisionnews.com/0/image-uploads/6aacd16379540_1000755328.jpg"
keywords: ["private bus rash driving", "police", "bus accident", "Complaints"]
---

# എറണാകുളത്ത് ബസിടിച്ച് സ്കൂട്ടർ യാത്രികന് പരിക്ക്; ആശുപത്രിയിൽ ഉപേക്ഷിച്ച് ബസ് ജീവനക്കാർ മുങ്ങിയെന്ന് പരാതി

> **Lead Summary:** കൊച്ചി: ബസിടിച്ചു പരിക്കേറ്റ സ്കൂട്ടർ യാത്രികനെ ആശുപത്രിയിൽ ഉപേക്ഷിച്ചു മുങ്ങി സ്വകാര്യ ബസ് ജീവനക്കാർ എന്ന് പരാതി. കുമ്പളം കൊപ്പറമ്പിൽ കെ.പി. രവീന്ദ്രന് ആണ് ഗുരുതരമായി പരിക്കേറ്റത് എന്നാണ് വിവരം.

## Article Content

കൊച്ചി: ബസിടിച്ചു പരിക്കേറ്റ സ്കൂട്ടർ യാത്രികനെ ആശുപത്രിയിൽ ഉപേക്ഷിച്ചു മുങ്ങി സ്വകാര്യ ബസ് ജീവനക്കാർ എന്ന് പരാതി. കുമ്പളം കൊപ്പറമ്പിൽ കെ.പി. രവീന്ദ്രന് ആണ് ഗുരുതരമായി പരിക്കേറ്റത് എന്നാണ് വിവരം.

എറണാകുളം മെട്രോ സ്റ്റേഷനു സമീപം വ്യാഴാഴ്ച വൈകിട്ട് നാലരയോടെ ആയിരുന്നു സംഭവം എന്നാണ് പരാതിയിൽ പറയുന്നത്. മത്സരയോട്ടം നടത്തി വരികയായിരുന്ന ബസുകളിൽ ഒന്നാണ് രവീന്ദ്രനെ തട്ടിയിട്ടത് എന്നാണ് ആരോപണം.

പിൻ ചക്രത്തിനടിയിൽ പെടാതിരുന്നതും തൊട്ടു പിന്നാലെ വരികയായിരുന്ന കാർ പെട്ടെന്ന് ബ്രേക്കിട്ടതും കൊണ്ട് മാത്രമാണ് വൻ ദുരന്തം ഒഴിവായത് എന്നാണ് ദൃക്‌സാക്ഷികൾ പറയുന്നതായി വിവരം. മറ്റു വാഹനങ്ങളിലെ യാത്രക്കാർ ശ്രദ്ധയിൽ പെടുത്തിയതോടെ ബസ് അൽപം മുന്നിലേക്ക് മാറ്റി നിർത്തിയതായും പറയപ്പെടുന്നു.

ഓടിക്കൂടിയ ആളുകളാണ് രവീന്ദ്രനെയും സ്കൂട്ടറും റോഡരികിലേക്കു മാറ്റിയത് എന്നാണ് വിവരം. ആശുപത്രിയിൽ എത്തിക്കാമെന്നു പറഞ്ഞ ബസുകാർ തൊട്ടടുത്തുള്ള സ്വകാര്യ ആശുപത്രിയിൽ എത്തിക്കാതെ തൃപ്പൂണിത്തുറ ഗവ. താലൂക്ക് ആശുപത്രിയിലേക്കാണ് കൊണ്ടുപോയത് എന്നാണ് പരാതിയിൽ പറയുന്നത്.

കിഴക്കേക്കോട്ടയിൽ ഇറക്കി ഓട്ടോറിക്ഷയിൽ ആശുപത്രിയിൽ എത്തിച്ചതായും ഒപി ടിക്കറ്റെടുത്ത് ഡോക്ടറെ കണ്ടപ്പോഴേയ്ക്കും ബസുകാർ മുങ്ങിയതായും പരാതിയിൽ പറയുന്നു. പിന്നീട് ഓട്ടോറിക്ഷ പിടിച്ചാണ് വീട്ടിലെത്തിയത് എന്നാണ് രവീന്ദ്രൻ പറയുന്നതായി വിവരം. ഒരാഴ്ചത്തെ വിശ്രമമാണ് ഡോക്ടർ നിർദേശിച്ചിട്ടുള്ളത് എന്നും പറയപ്പെടുന്നു.

സംഭവത്തിൽ പനങ്ങാട് പൊലീസിൽ പരാതി നൽകിയിട്ടുണ്ടെന്നാണ് വിവരം. തോർത്ത് വിൽപന നടത്തിയാണ് ജീവിതം പുലർത്തുന്നത് എന്നും പരിക്കേറ്റ തന്നെ ആശുപത്രിയിൽ ഉപേക്ഷിച്ച ബസുകാർക്കെതിരെ നടപടിയും നഷ്ടപരിഹാരവും വേണമെന്നാണ് രവീന്ദ്രന്റെ ആവശ്യം.

**

English Summary: **

A 67-year-old scooter rider K.P. Ravindran from Kumbalam Kopparambu was seriously injured after being hit by a private bus allegedly engaged in competitive racing near Elamkulam metro station on Thursday around 4:30 pm. Locals say major tragedy was averted as he escaped rear wheels and a car behind braked suddenly. Bus staff allegedly took him not to nearby private hospital but to Thrippunithura Taluk Hospital, dropped at Kizhakekotta, put in auto and fled after he took OP ticket. He returned home by auto, doctor advised one-week rest. He sells towels for livelihood. Complaint filed at Panangad police seeking action and compensation.

### Related Links & Sources
- [Original Story Source](https://piravom.truevisionnews.com/news/383251/elamkulam-bus-hits-scooter-rider-injured-abandoned-hospital-panangad-complaint)