---
title: "ഗ്യാസ് സിലിണ്ടർ പൊട്ടിത്തെറിച്ച് വീട് തകർന്നു; വൻ ദുരന്തം തലനാരിഴയ്ക്ക് ഒഴിവായി"
english_title: "Gas Cylinder Explosion Destroys House In Nilambur Retired Excise Commissioner House"
publisher: "piravomnews.in"
canonical_url: "https://piravom.truevisionnews.com/news/382813/gas-cylinder-explosion-house-damaged"
published_at: "2026-09-15T21:29:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6aa96bfb2e7fc_1000752577.jpg"
keywords: ["gas cylinder blast", "house collapse", "fire force"]
---

# ഗ്യാസ് സിലിണ്ടർ പൊട്ടിത്തെറിച്ച് വീട് തകർന്നു; വൻ ദുരന്തം തലനാരിഴയ്ക്ക് ഒഴിവായി

> **Lead Summary:** നിലമ്പൂർ:മലപ്പുറം നിലമ്പൂരിൽ ഗ്യാസ് സിലിണ്ടർ പൊട്ടിത്തെറിച്ച് വീട് തകർന്നു. ചൊവ്വ പുലർച്ചെയാണ് സംഭവം നടന്നത് എന്നാണ് വിവരം. വിരമിച്ച എക്സൈസ് കമ്മീഷണർ സി മുരളീകുമാറിന്റെ വീടാണ് ഭാഗികമായി തകർന്നത്.

## Article Content

നിലമ്പൂർ:മലപ്പുറം നിലമ്പൂരിൽ ഗ്യാസ് സിലിണ്ടർ പൊട്ടിത്തെറിച്ച് വീട് തകർന്നു. ചൊവ്വ പുലർച്ചെയാണ് സംഭവം നടന്നത് എന്നാണ് വിവരം. വിരമിച്ച എക്സൈസ് കമ്മീഷണർ സി മുരളീകുമാറിന്റെ വീടാണ് ഭാഗികമായി തകർന്നത്.

പുലർച്ചെ 1.30നും 2നും ഇടയിലാണ് വൻ ശബ്ദത്തോടെ സിലിണ്ടർ പൊട്ടിത്തെറിച്ചത് എന്നാണ് വീട്ടുകാർ പറഞ്ഞത്. പൊട്ടിത്തെറിയിൽ വീടിന്റെ ഒരു വശം പൂർണമായും തകർന്നു എന്നാണ് വിവരം. അപകടസമയത്ത് മുരളീകുമാറും കുടുംബാംഗങ്ങളും വീട്ടിൽ ഉറങ്ങിക്കിടക്കുകയായിരുന്നു എന്നാണ് റിപ്പോർട്ട്.

വീടിനുള്ളിൽ നിന്ന് പുക ഉയരുന്നത് ശ്രദ്ധിച്ച അയൽവാസികൾ ബഹളംവെച്ചതോടെയാണ് വീട്ടുകാർ ഉണർന്നത് എന്നാണ് വിവരം. തുടർന്ന് എല്ലാവരും പുറത്തേക്ക് ഓടി രക്ഷപ്പെട്ടു. വൻ ദുരന്തമാണ് തലനാരിഴയ്ക്ക് ഒഴിവായത് എന്നാണ് നാട്ടുകാർ പറയുന്നത്.

വിവരമറിഞ്ഞ് നിലമ്പൂർ അഗ്നിരക്ഷാസേന സ്ഥലത്തെത്തി. ഒരു മണിക്കൂറോളം നീണ്ട പരിശ്രമത്തിനൊടുവിലാണ് തീ പൂർണമായും നിയന്ത്രണവിധേയമാക്കിയത് എന്നാണ് അഗ്നിരക്ഷാസേന അറിയിച്ചത്. സിലിണ്ടർ പൊട്ടിത്തെറിക്കാനുള്ള കാരണം സംബന്ധിച്ച് അധികൃതർ പരിശോധന നടത്തിവരികയാണ്. അപകടത്തിൽ ആളപായമില്ല എന്നതാണ് ആശ്വാസകരമായ കാര്യം.

**

English Summary: **

A house partially collapsed after a gas cylinder explosion in Nilambur, Malappuram early Tuesday. The house belongs to retired Excise Commissioner C Muralikumar. According to family, blast occurred between 1.30 and 2 am with a loud sound. Family was sleeping inside and woke up after neighbours alerted about smoke and escaped. Nilambur fire force controlled fire after an hour-long effort.

### Related Links & Sources
- [Original Story Source](https://piravom.truevisionnews.com/news/382813/gas-cylinder-explosion-house-damaged)