---
title: "21-കാരനായ ദളിത് യുവാവിനെ വെടിവെച്ച് കൊലപ്പെടുത്തി"
english_title: "Dalit Youth Shot Dead In Mau Uttar Pradesh Friend Injured"
publisher: "piravomnews.in"
canonical_url: "https://piravom.truevisionnews.com/news/382760/dalit-youth-shot-dead-mau-friend-injured"
published_at: "2026-09-15T15:25:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a49d02620034_CRIME.jpg"
keywords: []
---

# 21-കാരനായ ദളിത് യുവാവിനെ വെടിവെച്ച് കൊലപ്പെടുത്തി

> **Lead Summary:** ലഖ്‌നൗ: ഉത്തർപ്രദേശിലെ മൗ ജില്ലയിൽ 21-കാരനായ ദളിത് യുവാവിനെ വെടിവെച്ച് കൊലപ്പെടുത്തി. ചിരയ്യകോട് പ്രദേശത്ത് സർസേന പെട്രോൾ പമ്പിന് സമീപത്താണ് സംഭവം നടന്നത് എന്നാണ് വിവരം. അമ്മായിയുടെ വീട് സന്ദർശിച്ച് സുഹൃത്തിനൊപ്പം മടങ്ങുകയായിരുന്ന അവനീഷ് കുമാർ എന്ന യുവാവാണ് കൊല്ലപ്പെട്ടത്.

## Article Content

ലഖ്‌നൗ: ഉത്തർപ്രദേശിലെ മൗ ജില്ലയിൽ 21-കാരനായ ദളിത് യുവാവിനെ വെടിവെച്ച് കൊലപ്പെടുത്തി. ചിരയ്യകോട് പ്രദേശത്ത് സർസേന പെട്രോൾ പമ്പിന് സമീപത്താണ് സംഭവം നടന്നത് എന്നാണ് വിവരം. അമ്മായിയുടെ വീട് സന്ദർശിച്ച് സുഹൃത്തിനൊപ്പം മടങ്ങുകയായിരുന്ന അവനീഷ് കുമാർ എന്ന യുവാവാണ് കൊല്ലപ്പെട്ടത്.

അവനീഷ് കുമാറിന്റെ തലയ്ക്കാണ് വെടിയേറ്റത്. കൊല്ലപ്പെട്ട അവനീഷ് കുമാറിന്റെ ശിരസിന് നേരെ തൊട്ടടുത്ത് നിന്ന് വെടിയുതിർക്കുകയായിരുന്നു എന്നാണ് വിവരം. ഒപ്പമുണ്ടായിരുന്ന സുഹൃത്തും ബി.എസ്.സി വിദ്യാർത്ഥിയുമായ ഹൻസ് രാജിന് പരിക്കേറ്റു എന്നാണ് റിപ്പോർട്ട്. ആശുപത്രിയിൽ എത്തിച്ചെങ്കിലും അവനീഷ് കുമാർ മരിച്ചിരുന്നു എന്നാണ് വിവരം.

രാജ്യത്ത് ഏറ്റവും അധികം ദളിത് വിരുദ്ധ അക്രമങ്ങൾ നടക്കുന്ന സംസ്ഥാനമാണ് ഉത്തർപ്രദേശ് എന്നാണ് റിപ്പോർട്ടുകൾ വ്യക്തമാക്കുന്നത്. ഇത്തരം കേസുകളിൽ അന്വേഷിക്കുന്നതിലും കുറ്റവാളികളെ ശിക്ഷിക്കുന്നതിലും ഏറ്റവും അധികം പിന്നിലുള്ള സംസ്ഥാനവും ഉത്തർപ്രദേശാണ് എന്നാണ് വിലയിരുത്തൽ. രാജ്യത്ത് ദളിത് വിഭാഗങ്ങൾക്ക് എതിരായ അതിക്രമങ്ങളിൽ 20 മുതൽ 25 ശതമാനം വരെ യു.പിയിലാണ് റിപ്പോർട്ട് ചെയ്യപ്പെടുന്നത് എന്നാണ് കണക്കുകൾ സൂചിപ്പിക്കുന്നത്.

ദളിത് വിഭാഗങ്ങൾ സൗകര്യങ്ങൾ പ്രയോജനപ്പെടുത്തുന്നതും സ്വന്തമായി അധ്വാനിച്ചും വിദ്യാഭ്യാസം നേടിയും മുന്നേറുന്നതും വരെ അതിക്രമങ്ങൾക്ക് കാരണമാകുന്നു എന്നാണ് നിരീക്ഷണം. ദളിതർക്ക് എതിരായ കേസുകളിൽ കൊലപാതകം, ശാരീരിക ആക്രമണങ്ങൾ, ഭൂമി തർക്കങ്ങളുമായി ബന്ധപ്പെട്ട അക്രമങ്ങൾ, ജാതീയ അധിക്ഷേപങ്ങൾ, സ്ത്രീകൾക്കെതിരായ അതിക്രമങ്ങൾ എന്നിവയാണ് ഏറ്റവും കൂടുതൽ റിപ്പോർട്ട് ചെയ്യപ്പെടുന്നത് എന്നാണ് വിവരം. സംഭവത്തിൽ പോലീസ് അന്വേഷണം പുരോഗമിക്കുകയാണ്.

**

English Summary:**

A 21-year-old Dalit youth, Avanish Kumar, was allegedly shot dead near Sarsena petrol pump in Chiraiyakot area of Mau district in Uttar Pradesh. He was returning with his friend after visiting his aunt's house. The bullet hit his head and he died after being taken to hospital. His friend Hans Raj, a BSc student, was injured. Reports note UP accounts for 20-25% of atrocities against Dalits in the country.

### Related Links & Sources
- [Original Story Source](https://piravom.truevisionnews.com/news/382760/dalit-youth-shot-dead-mau-friend-injured)