---
title: "വൈദ്യുതി മുടങ്ങിയതിന്റെ പേരിൽ കെഎസ്ഇബി ഓഫീസിൽ അതിക്രമം; ഉദ്യോഗസ്ഥനെ മർദ്ദിച്ചു"
english_title: "KSEB Office Attack: Shop Owner Assaults Officer Over Power Outage"
publisher: "piravomnews.in"
canonical_url: "https://piravom.truevisionnews.com/news/379392/kseb-office-attack-power-outage-assault"
published_at: "2026-08-20T22:19:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a8730bf78747_1000722172.jpg"
keywords: ["KSEB", "Power Outage", "Government Office Attack", "Kerala News"]
---

# വൈദ്യുതി മുടങ്ങിയതിന്റെ പേരിൽ കെഎസ്ഇബി ഓഫീസിൽ അതിക്രമം; ഉദ്യോഗസ്ഥനെ മർദ്ദിച്ചു

> **Lead Summary:** കൊല്ലം: വൈദ്യുതി മുടങ്ങിയതിന്റെ പേരിൽ കൊല്ലം മയ്യനാട് കെഎസ്ഇബി സെക്ഷൻ ഓഫീസിൽ ഡ്യൂട്ടിയിലുണ്ടായിരുന്ന ഉദ്യോഗസ്ഥനെ മർദ്ദിച്ചതായി പരാതി. കഴിഞ്ഞ ദിവസം വൈകിട്ടാണ് സംഭവം.

## Article Content

കൊല്ലം: വൈദ്യുതി മുടങ്ങിയതിന്റെ പേരിൽ കൊല്ലം മയ്യനാട് കെഎസ്ഇബി സെക്ഷൻ ഓഫീസിൽ ഡ്യൂട്ടിയിലുണ്ടായിരുന്ന ഉദ്യോഗസ്ഥനെ മർദ്ദിച്ചതായി പരാതി. കഴിഞ്ഞ ദിവസം വൈകിട്ടാണ് സംഭവം.

കുടിക്കോട് സ്വദേശിയായ മൊബൈൽ ഷോപ്പ് ഉടമയാണ് ആക്രമണം നടത്തിയതെന്ന് കെഎസ്ഇബി അധികൃതർ പരാതി നൽകി.

വൈകിട്ട് 7 മണിയോടെ കടയിൽ വൈദ്യുതി നിലച്ചതിനെ തുടർന്ന് ഇയാൾ കെഎസ്ഇബി ഓഫീസിലേക്ക് ഫോൺ ചെയ്തു. ഡ്യൂട്ടിയിലുണ്ടായിരുന്ന ഓവർസിയർ പരാതി രജിസ്റ്റർ ചെയ്യുന്നതിനായി കൺസ്യൂമർ നമ്പറും ഫോൺ നമ്പറും ആവശ്യപ്പെട്ടു.

എന്നാൽ ഇത് നൽകാൻ വിസമ്മതിച്ച ഇയാൾ നേരിട്ട് ഓഫീസിലെത്തി. തുടർന്ന് ഉദ്യോഗസ്ഥനെ മർദ്ദിക്കുകയും ഓഫീസിലെ ഫർണിച്ചറുകൾ അടക്കമുള്ള സാധനങ്ങൾ തകർക്കുകയും ചെയ്തതായി പരാതിയിൽ പറയുന്നു.

നേരത്തെ ഇയാളുടെ കടയിലെ വൈദ്യുതി മുടങ്ങുന്നതുമായി ബന്ധപ്പെട്ട് നിരവധി തവണ പരാതി ലഭിച്ചിരുന്നതായും അധികൃതർ അറിയിച്ചു. സംഭവത്തിൽ മയ്യനാട് പോലീസ് കേസെടുത്ത് അന്വേഷണം ആരംഭിച്ചു. ഉദ്യോഗസ്ഥരെ ആക്രമിക്കുന്നവർക്കെതിരെ കർശന നടപടി സ്വീകരിക്കുമെന്ന് കെഎസ്ഇബി അധികൃതർ വ്യക്തമാക്കി.

### Related Links & Sources
- [Original Story Source](https://piravom.truevisionnews.com/news/379392/kseb-office-attack-power-outage-assault)