---
title: "ചൂടുവെള്ളം വീണ് പൊള്ളലേറ്റ രണ്ടുവയസുകാരി അണുബാധയെ തുടർന്ന് മരിച്ചു"
english_title: "2-Year-Old Girl Dies in Kerala After Scalding: Infection Following Burn Injury"
publisher: "piravomnews.in"
canonical_url: "https://piravom.truevisionnews.com/news/377772/kottappadi-toddler-dies-scalding-burn-infection"
published_at: "2026-08-10T14:54:00+05:30"
category: "Ernakulam "
language: "ml"
image: "https://cf.zdn.im/img/truevisionnews.com/0/image-uploads/6a799c056a8cf_kottappadi-toddler-dies-scalding-burn-infection.jpg"
keywords: ["Burn Injury", "Scalding Accident", "Child Safety", "Infection", "Home Accident"]
---

# ചൂടുവെള്ളം വീണ് പൊള്ളലേറ്റ രണ്ടുവയസുകാരി അണുബാധയെ തുടർന്ന് മരിച്ചു

> **Lead Summary:** കോട്ടപ്പടി: വീട്ടിൽ വെച്ച് ചൂടുവെള്ളം വീണ് ഗുരുതരമായി പൊള്ളലേറ്റ് ചികിത്സയിലായിരുന്ന രണ്ട് വയസുകാരി അണുബാധയെ തുടർന്ന് മരിച്ചു. കോട്ടപ്പടി മുട്ടത്തുപാറ മേൽഭാഗം സ്വദേശികളായ ലിജു-എൽബി ദമ്പതികളുടെ മകൾ ബിൽഗ മറിയം ലിജു ആണ് ഞായറാഴ്ച രാവിലെ മരിച്ചത്.

## Article Content

കോട്ടപ്പടി: വീട്ടിൽ വെച്ച് ചൂടുവെള്ളം വീണ് ഗുരുതരമായി പൊള്ളലേറ്റ് ചികിത്സയിലായിരുന്ന രണ്ട് വയസുകാരി അണുബാധയെ തുടർന്ന് മരിച്ചു. കോട്ടപ്പടി മുട്ടത്തുപാറ മേൽഭാഗം സ്വദേശികളായ ലിജു-എൽബി ദമ്പതികളുടെ മകൾ ബിൽഗ മറിയം ലിജു ആണ് ഞായറാഴ്ച രാവിലെ മരിച്ചത്.

അപകടം നടന്ന് ഒരാഴ്ചയ്ക്ക് ശേഷമായിരുന്നു മരണം.ഒരാഴ്ച മുൻപാണ് വീട്ടിൽ ദാരുണ സംഭവമുണ്ടായത്. കുട്ടിയെ കുളിപ്പിക്കാനായി അടുക്കളയിൽ ബക്കറ്റിൽ ചൂടുവെള്ളം വെച്ചിരുന്നു. ഈ സമയം അമ്മ മാറി നിന്ന അവസരത്തിൽ കുട്ടി ബക്കറ്റിൽ പിടിച്ചതോടെ അത് അബദ്ധത്തിൽ മറിയുകയായിരുന്നു. തിളച്ച വെള്ളം മുഴുവൻ കുട്ടിയുടെ ദേഹത്ത് വീണ് ഗുരുതരമായി പൊള്ളലേറ്റു.ഉടൻ തന്നെ ബന്ധുക്കൾ കുട്ടിയെ ആശുപത്രിയിലെത്തിച്ച് പ്രാഥമിക ചികിത്സ നൽകി.

എന്നാൽ പൊള്ളലേറ്റ ഭാഗത്ത് പിന്നീട് അണുബാധ ഉണ്ടായി. തുടർന്ന് ആശുപത്രിയിൽ തീവ്രപരിചരണ വിഭാഗത്തിൽ ചികിത്സയിലായിരുന്ന ബിൽഗ മറിയം ഞായറാഴ്ച രാവിലെയാണ് മരണത്തിന് കീഴടങ്ങിയത്.കുട്ടിയുടെ മരണവാർത്ത അറിഞ്ഞ് നാട്ടുകാരും ബന്ധുക്കളും സംഭവ സ്ഥലത്തെത്തി. കുടുംബത്തിന്റെ ഏക മകളായിരുന്നു ബിൽഗ മറിയം.

സഹോദരൻ യാസിൻ. സംഭവം പ്രദേശത്ത് വലിയ ദുഃഖമാണ് ഉണ്ടാക്കിയത്.ചെറിയ കുട്ടികളുള്ള വീടുകളിൽ ചൂടുവെള്ളവും മറ്റ് അപകട സാധ്യതയുള്ള വസ്തുക്കളും സുരക്ഷിതമായി സൂക്ഷിക്കണമെന്ന് ആരോഗ്യ പ്രവർത്തകർ മുന്നറിയിപ്പ് നൽകുന്നു. ഒരു നിമിഷത്തെ ശ്രദ്ധക്കുറവ് പോലും ഇത്തരം ദുരന്തങ്ങൾക്ക് കാരണമാകുമെന്നും അവർ ഓർമ്മിപ്പിച്ചു.

### Related Links & Sources
- [Original Story Source](https://piravom.truevisionnews.com/news/377772/kottappadi-toddler-dies-scalding-burn-infection)