---
title: "കുടുംബ വഴക്ക് ; മരുമക്കൾ അമ്മാവനെ കുത്തികൊന്നു"
english_title: "Family feud; Daughter-in-law stabs uncle to death."
publisher: "piravomnews.in"
canonical_url: "https://piravom.truevisionnews.com/news/374588/family-feud-daughter-in-law-stabs-uncle-to-death"
published_at: "2026-07-25T16:37:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a6499085e243_1000691476.jpg"
keywords: []
---

# കുടുംബ വഴക്ക് ; മരുമക്കൾ അമ്മാവനെ കുത്തികൊന്നു

> **Lead Summary:** കുറ്റിപ്പുറം: കുടുംബ വഴക്കിനെ തുടർന്ന് മരുമക്കൾ അമ്മാവനെ കുത്തികൊന്നു.ആതവനാട് കൂടശ്ശേരിപാറയിലാണ് സംഭവം.

## Article Content

കുറ്റിപ്പുറം: കുടുംബ വഴക്കിനെ തുടർന്ന് മരുമക്കൾ അമ്മാവനെ കുത്തികൊന്നു.ആതവനാട് കൂടശ്ശേരിപാറയിലാണ് സംഭവം.

കൂടശ്ശേരിപാറ ആനപാടിക്കൽ മുസ്‌തഫ (40) യാണ് കൊല്ലപ്പെട്ടത്. ഇയാളുടെ സഹോദരിയുടെ മക്കളായ സൈനുൽ ആബിദ്, സക്കിർ ഹുസൈൻ, സൽമാൻ എന്നിവരെ പൊലീസ് അറസ്റ്റ് ചെയ്തിട്ടുണ്ട്.

ശനിയാഴ്ച രാവിലെ 10.30ഓടെയായിരുന്നു സംഭവം. മുസ്‌തഫയും സഹോദരൻ അബ്‌ദുള്ളയും വീട്ടിൽനിന്ന് ബൈക്കിൽ റോഡിലേക്കിറങ്ങുന്നതിനിടെ ഓട്ടോറിക്ഷയിലെത്തിയ പ്രതികൾ ബൈക്കിൽ ഇടിച്ചുവീഴ്ത്തിയ ശേഷം ആക്രമിക്കുകയായിരുന്നെന്ന് പൊലീസ് പറഞ്ഞു.

തുടർന്ന് ബൈക്കിന് തീയിട്ട പ്രതികൾ മാരകായുധങ്ങൾ ഉപയോഗിച്ച് മുസ്ത‌ഫയെ ആക്രമിച്ചു. ഗുരുതരമായി പരിക്കേറ്റ മുസ്‌തഫ മരിച്ചു. ആക്രമണത്തിൽ അബ്‌ദുള്ളയ്ക്കും പരിക്കേറ്റു.

കുടുംബവഴക്കിനെ തുടർന്ന് നേരത്തെയും ഇവർ തമ്മിൽ സംഘർഷമുണ്ടായിരുന്നു. മുസ്‌തഫയെ ആക്രമിച്ച മുൻ കേസിൽ പ്രതികളായ സഹോദരങ്ങൾ ദിവസങ്ങൾക്ക് മുമ്പാണ് ജയിലിൽനിന്ന് പുറത്തിറങ്ങിയത്. വളാഞ്ചേരി പൊലീസ് സ്ഥലത്തെത്തി അന്വേഷണം ആരംഭിച്ചു.

### Related Links & Sources
- [Original Story Source](https://piravom.truevisionnews.com/news/374588/family-feud-daughter-in-law-stabs-uncle-to-death)