---
title: "ഉറങ്ങിക്കിടക്കവെ ഫ്രിഡ്ജ് പൊട്ടിത്തെറിച്ചു ; രണ്ട് പേർക്ക് പരിക്ക്"
english_title: "Refrigerator explodes while sleeping; two injured."
publisher: "piravomnews.in"
canonical_url: "https://piravom.truevisionnews.com/news/372693/refrigerator-explodes-while-sleeping-two-injured"
published_at: "2026-07-16T11:49:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a5877f7a5a1d_1000680057.png"
keywords: []
---

# ഉറങ്ങിക്കിടക്കവെ ഫ്രിഡ്ജ് പൊട്ടിത്തെറിച്ചു ; രണ്ട് പേർക്ക് പരിക്ക്

> **Lead Summary:** തൃശ്ശൂർ : ഗുരുവായൂരിൽ ഫ്രിഡ്‌ജ് പൊട്ടിത്തെറിച്ച് രണ്ട് വയോധികർക്ക് പരിക്കേറ്റു. ആരോവീട്ടിൽ കുട്ടപ്പൻ, ഭാര്യ അംബിക എന്നിവർക്കാണ് പരിക്കേറ്റത്.

## Article Content

തൃശ്ശൂർ : ഗുരുവായൂരിൽ ഫ്രിഡ്‌ജ് പൊട്ടിത്തെറിച്ച് രണ്ട് വയോധികർക്ക് പരിക്കേറ്റു. ആരോവീട്ടിൽ കുട്ടപ്പൻ, ഭാര്യ അംബിക എന്നിവർക്കാണ് പരിക്കേറ്റത്.

ഇന്ന് പുലർച്ചെ 12 മണിയോടെയാണ് അപകടമുണ്ടായതെന്നാണ് റിപ്പോർട്ടുകൾ. പരിക്കേറ്റവരെ ചാവക്കാട്ടെ സ്വകാര്യ ആശുപത്രിയിൽ പ്രവേശിപ്പിച്ചിട്ടുണ്ട്. ദമ്പതികൾ ഉറങ്ങിക്കിടക്കുമ്പോഴാണ് അപകടമുണ്ടായത്. പൊട്ടിത്തെറിച്ച ഫ്രിഡ്‌ജിൽ നിന്ന് വീടിനുള്ളിലേക്ക് തീയും പുകയും പടരുകയായിരുന്നു.

വീടിനുള്ളിൽ പുക നിറഞ്ഞതിനെ തുടർന്നാണ് ഇവർ ഉണർന്നത്. തുടർന്ന് അയൽവാസികളുടെ സഹായം തേടുകയായിരുന്നു. ഫ്രിഡ്‌ജ്‌ പൂർണമായും കത്തി നശിച്ച നിലയിലാണ്.

അതേസമയം, ഇരുവരുടെയും പരിക്ക് ഗുരുതരമല്ല. ഷോർട്ട് സർക്യൂട്ട് ആയിരിക്കും അപകടത്തിന് കാരണമെന്നാണ് പ്രാഥമികമായ നിഗമനം. വീടിന്റെ ഭിത്തികൾക്ക് വിള്ളലുണ്ടായിട്ടുണ്ട്.

### Related Links & Sources
- [Original Story Source](https://piravom.truevisionnews.com/news/372693/refrigerator-explodes-while-sleeping-two-injured)