---
title: "സ്കൂൾ ബസ് മരത്തിലിടിച്ച് അപകടം ; ഏഴ് വിദ്യാർത്ഥികൾക്ക് പരിക്ക്"
english_title: "School bus crashes into tree; seven students injured."
publisher: "piravomnews.in"
canonical_url: "https://piravom.truevisionnews.com/news/368155/school-bus-crashes-into-tree-seven-students-injured"
published_at: "2026-06-24T20:09:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a3bec477f949_1000654183.jpg"
keywords: []
---

# സ്കൂൾ ബസ് മരത്തിലിടിച്ച് അപകടം ; ഏഴ് വിദ്യാർത്ഥികൾക്ക് പരിക്ക്

> **Lead Summary:** കൊട്ടാരക്കര ഉമ്മന്നൂരിൽ വിദ്യാർത്ഥികളുമായി സ്കൂ‌ളിലേക്ക് പോവുകയായിരുന്ന ബസ് അപകടത്തിൽപ്പെട്ടു. ഇന്ന് രാവിലെ സ്കൂളിലേക്ക് പോകുന്നതിനിടെ കമ്പങ്കോട് കൊച്ചുകുന്നുംപുറത്ത് വെച്ചായിരുന്നു അപകടം.

## Article Content

കൊട്ടാരക്കര ഉമ്മന്നൂരിൽ വിദ്യാർത്ഥികളുമായി സ്കൂ‌ളിലേക്ക് പോവുകയായിരുന്ന ബസ് അപകടത്തിൽപ്പെട്ടു. ഇന്ന് രാവിലെ സ്കൂളിലേക്ക് പോകുന്നതിനിടെ കമ്പങ്കോട് കൊച്ചുകുന്നുംപുറത്ത് വെച്ചായിരുന്നു അപകടം.

അർക്കന്നൂർ വൊക്കേഷണൽ ഹയർ സെക്കൻഡറി സ്‌കൂളിൻ്റെ ബസാണ് അപകടത്തിൽപ്പെട്ടത്. ബസിന്റെ സ്റ്റിയറിങ് തകരാറിലായതിനെ തുടർന്ന് നിയന്ത്രണം വിട്ട ബസ് റോഡരികിലേക്ക് നീങ്ങി മരത്തിൽ ഇടിച്ചാണ് നിന്നത്.

എട്ടാം ക്ലാസ് വിദ്യാർഥികളാണ് ബസിലുണ്ടായിരുന്നത്. ബസിലുണ്ടായിരുന്ന ഏകദേശം 20 വിദ്യാർഥികളിൽ ഏഴ് പേർക്ക് പരിക്കേറ്റു. ഇതിൽ രണ്ട് വിദ്യാർഥികൾക്ക് സാരമായി പരിക്കേറ്റു.

### Related Links & Sources
- [Original Story Source](https://piravom.truevisionnews.com/news/368155/school-bus-crashes-into-tree-seven-students-injured)