---
title: "ടെറസിൽനിന്ന് കോൺക്രീറ്റ് പാളി അടർന്നുവീണ് 55-കാരൻ മരിച്ചു"
english_title: "55-year-old dies after concrete slab falls from terrace."
publisher: "piravomnews.in"
canonical_url: "https://piravom.truevisionnews.com/news/366927/55-year-old-dies-after-concrete-slab-falls-from-terrace"
published_at: "2026-06-19T13:18:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a34f43dc4208_1000646788.jpg"
keywords: []
---

# ടെറസിൽനിന്ന് കോൺക്രീറ്റ് പാളി അടർന്നുവീണ് 55-കാരൻ മരിച്ചു

> **Lead Summary:** ചുനാഭട്ടിയിൽ 17 നിലകളുള്ള പാർപ്പിട സമുച്ചയത്തിൻ്റെ ടെറസിൽനിന്ന് കോൺക്രീറ്റ് പാളി അടർന്നുവീണ് 55-കാരൻ മരിച്ചു.

## Article Content

ചുനാഭട്ടിയിൽ 17 നിലകളുള്ള പാർപ്പിട സമുച്ചയത്തിൻ്റെ ടെറസിൽനിന്ന് കോൺക്രീറ്റ് പാളി അടർന്നുവീണ് 55-കാരൻ മരിച്ചു.

വെള്ളിയാഴ്‌ച പുലർച്ചെ ചുനാഭട്ടി ഖുറേഷി നഗറിലെ 'ഗാലക്‌സി അപ്പാർട്ട്മെന്റിലാണ്' ദാരുണമായ സംഭവം നടന്നത്. അബ്ദുൾ വഹാബ് എന്നയാളാണ് മരണപ്പെട്ടതെന്ന് അധികൃതർ സ്ഥിരീകരിച്ചു.

വെള്ളിയാഴ്‌ച പുലർച്ചെ 12:30 ഓടെയായിരുന്നു സംഭവം. കെട്ടിടത്തിൻ്റെ ഏറ്റവും മുകളിലെ നിലയിലുള്ള കൈവരിയുടെ പ്ലാസ്റ്ററിങ്ങിന്റെ വലിയൊരു ഭാഗം പെട്ടെന്ന് താഴേക്ക് പതിക്കുകയായിരുന്നു. ഈ സമയം കെട്ടിടത്തിന് സമീപത്തുകൂടി നടന്നുപോവുകയായിരുന്ന അബ്ദുൾ വഹാബിന്റെ തലയിലേക്കാണ് കോൺക്രീറ്റ് കഷ്ണ‌ം വീണത്.

ഗുരുതരമായി പരിക്കേറ്റ ഇദ്ദേഹത്തെ ഉടൻ തന്നെ സമീപവാസികൾ ചേർന്ന് സ്വകാര്യ വാഹനത്തിൽ സിയോണിലെ കോർപ്പറേഷൻ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ആശുപത്രിയിൽ എത്തുന്നതിന് മുൻപ് തന്നെ അദ്ദേഹം മരണപ്പെട്ടിരുന്നതായി ഡോക്ടർമാർ അറിയിച്ചു.

അപകടാവസ്ഥയിൽ കെട്ടിടത്തിൽ തൂങ്ങിക്കിടന്നിരുന്ന ബാക്കി കോൺക്രീറ്റ് ഭാഗങ്ങൾ ഫയർഫോഴ്‌സ്‌ എത്തി നീക്കം ചെയ്തു. അപകടം നടന്ന പ്രദേശം പൂർണ്ണമായും ബാരിക്കേഡുകൾ വെച്ച് കെട്ടിയടച്ചു. കെട്ടിടത്തിൻ്റെ പഴക്കവും അറ്റകുറ്റപ്പണികളിലെ വീഴ്‌ചയുമാണോ അപകടത്തിന് കാരണമായതെന്ന് അധികൃതർ പറഞ്ഞു.

### Related Links & Sources
- [Original Story Source](https://piravom.truevisionnews.com/news/366927/55-year-old-dies-after-concrete-slab-falls-from-terrace)