---
title: "കുടുംബവീട് സന്ദർശിക്കുന്നതിനിടെ കൃഷിയിടത്തിൽ നിന്ന് ഇടിമിന്നലേറ്റു ; യുവാവ് മരിച്ചു"
english_title: "Young man dies after being struck by lightning from farm while visiting family home."
publisher: "piravomnews.in"
canonical_url: "https://piravom.truevisionnews.com/news/362294/young-man-dies-after-being-struck-by-lightning-from-farm-while-visiting-family-home"
published_at: "2026-05-28T12:35:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a17e94147dc9_1000619311.jpg"
keywords: []
---

# കുടുംബവീട് സന്ദർശിക്കുന്നതിനിടെ കൃഷിയിടത്തിൽ നിന്ന് ഇടിമിന്നലേറ്റു ; യുവാവ് മരിച്ചു

> **Lead Summary:** കുടുംബവീട് സന്ദർശിക്കുന്നതിനിടെ കൃഷിയിടത്തിൽ നിന്ന് മാങ്ങ പറിക്കാൻ ശ്രമിച്ച മലയാളി ഐടി പ്രൊഫഷണൽ ഇടിമിന്നലേറ്റ് മരിച്ചു.

## Article Content

കുടുംബവീട് സന്ദർശിക്കുന്നതിനിടെ കൃഷിയിടത്തിൽ നിന്ന് മാങ്ങ പറിക്കാൻ ശ്രമിച്ച മലയാളി ഐടി പ്രൊഫഷണൽ ഇടിമിന്നലേറ്റ് മരിച്ചു.

ബെംഗളൂരുവിൽ ടെക്കിയായി ജോലി ചെയ്തിരുന്ന കുടക് സ്വദേശി ഹൊസോക്സു റോഷൻ ബാലകൃഷ്‌ണ (43) ആണ് ദാരുണമായി മരണപ്പെട്ടത്.

ബെംഗളൂരുവിലെ ജാലഹള്ളിയിൽ കുടുംബത്തോടൊപ്പം താമസിച്ചിരുന്ന റോഷൻ, സ്വന്തം ഉടമസ്ഥതയിലുള്ള കാപ്പിത്തോട്ടത്തിന്റെ മേൽനോട്ടത്തിനായാണ് മൈസൂരു ജില്ലയിലെ യെൽവാലിന് സമീപമുള്ള കുടുംബസ്വത്തിലേക്ക് എത്തിയത്.

വൈകുന്നേരത്തോടെ കുടുംബത്തോടൊപ്പം യാത്ര ചെയ്യുന്നതിനിടെ തങ്ങളുടെ പറമ്പിന് സമീപം വാഹനം നിർത്തുകയും, റോഷൻ മാങ്ങ പറിക്കാനായി തോട്ടത്തിലെ മാവിൻചുവട്ടിലേക്ക് പോവുകയുമായിരുന്നു.

ഈ സമയത്താണ് അന്തരീക്ഷത്തിൽ പെട്ടെന്നുണ്ടായ ശക്തമായ ഇടിമിന്നൽ റോഷന്റെ മേൽ പതിച്ചത്. മിന്നലേറ്റ ഉടൻ തന്നെ അദ്ദേഹം സംഭവസ്ഥലത്ത് കുഴഞ്ഞുവീഴുകയായിരുന്നു. ഉടൻ തന്നെ കുടുംബാംഗങ്ങൾ അദ്ദേഹത്തെ അടുത്തത്തുള്ള എൻജി ആശുപത്രിയിലും, തുടർന്ന് വിദഗ്ദ്ധ ചികിത്സയ്ക്കായി ശ്രീ ജയദേവ ഇൻസ്റ്റിറ്റ്യൂട്ട് ഓഫ് കാർഡിയോവാസ്‌കുലർ സയൻസസ് ആൻഡ് റിസർച്ച് സെൻ്ററിലും എത്തിച്ചെങ്കിലും ജീവൻ രക്ഷിക്കാനായില്ല.

### Related Links & Sources
- [Original Story Source](https://piravom.truevisionnews.com/news/362294/young-man-dies-after-being-struck-by-lightning-from-farm-while-visiting-family-home)