---
title: "മുറ്റത്ത് കളിക്കുന്നതിനിടെ പാമ്പുകടിയേറ്റു ; നാലര വയസുകാരിക്ക് ദാരുണാന്ത്യം"
english_title: "A four-and-a-half-year-old girl died tragically after being bitten by a snake while playing in the yard."
publisher: "piravomnews.in"
canonical_url: "https://piravom.truevisionnews.com/news/356389/a-four-and-a-half-year-old-girl-died-tragically-after-being-bitten-by-a-snake-while-playing-in-the-yard"
published_at: "2026-04-30T14:18:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/69f31775565dc_1000584143.png"
keywords: []
---

# മുറ്റത്ത് കളിക്കുന്നതിനിടെ പാമ്പുകടിയേറ്റു ; നാലര വയസുകാരിക്ക് ദാരുണാന്ത്യം

> **Lead Summary:** കാസർകോഡ് : പാമ്പു കടിയേറ്റ് ചികിത്സയിലായിരുന്ന നാലര വയസുകാരി മരിച്ചു. കാസർകോട് എളേരിത്തട്ടിലെ ശരത്- അജിത ദമ്പതികളുടെ മകൾ ഋതു ചന്ദ്രയാണ് മരിച്ചത്.

## Article Content

കാസർകോഡ് : പാമ്പു കടിയേറ്റ് ചികിത്സയിലായിരുന്ന നാലര വയസുകാരി മരിച്ചു. കാസർകോട് എളേരിത്തട്ടിലെ ശരത്- അജിത ദമ്പതികളുടെ മകൾ ഋതു ചന്ദ്രയാണ് മരിച്ചത്.

പരിയാരം മെഡിക്കൽ കോളജിൽ ചികിത്സയിലായിരുന്നു. വീട്ടുമുറ്റത്ത് കളിക്കുന്നതിനിടെ കഴിഞ്ഞ തിങ്കളാഴ്ച്ചയാണ് കുട്ടിക്ക് പാമ്പ് കടിയേറ്റത്. മുറ്റത്ത് കളിക്കുന്നതിനിടെ കളിപ്പാട്ടം കൂട്ടിയിട്ട മരങ്ങളിലേക്ക് വീഴുകയായിരുന്നു. ഇതെടുക്കുന്നതിനിടെയാണ് പാമ്പ് കടിച്ചത്.

മൂർഖനാണ് കുട്ടിയെ കടിച്ചതെന്ന് പിന്നീട് കണ്ടെത്തിയിരുന്നു. അവശനിലയിലായ കുട്ടി പരിയാരം മെഡിക്കൽ കോളേജിൽ എത്തുമ്പോഴേക്കും ഗുരുതരാവസ്ഥയിലായിരുന്നു. ആന്തരിക അവയവങ്ങളെല്ലാം നിലച്ച മട്ടായിരുന്നുവെന്ന് ഡോക്ടർമാർ പറയുന്നു. വെൻ്റിലേറ്ററിൽ ചികിത്സയിലായിരുന്ന ഋതു ചന്ദ്ര ഇന്ന് രാവിലെയാണ് മരണത്തിന് കീഴടങ്ങിയത്.

### Related Links & Sources
- [Original Story Source](https://piravom.truevisionnews.com/news/356389/a-four-and-a-half-year-old-girl-died-tragically-after-being-bitten-by-a-snake-while-playing-in-the-yard)