---
title: "രാത്രി വീട്ടിൽ അതിക്രമിച്ചെത്തി വെട്ടുകത്തി കാട്ടി ഭീഷണിപ്പെടുത്തി ;  വയോധികയെ ബലാത്സംഗം ചെയ്‌തതായി പരാതി"
english_title: "Man breaks into house at night, threatens with machete; elderly woman raped, complaint filed."
publisher: "piravomnews.in"
canonical_url: "https://piravom.truevisionnews.com/news/350159/man-breaks-into-house-at-night-threatens-with-machete-elderly-woman-raped-complaint-filed"
published_at: "2026-03-28T09:31:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/69c752ae57198_1000414070.png"
keywords: []
---

# രാത്രി വീട്ടിൽ അതിക്രമിച്ചെത്തി വെട്ടുകത്തി കാട്ടി ഭീഷണിപ്പെടുത്തി ;  വയോധികയെ ബലാത്സംഗം ചെയ്‌തതായി പരാതി

> **Lead Summary:** (, piravomnews. in) തിരുവനന്തപുരത്ത് വയോധികയെ ബലാത്സംഗം ചെയ്‌തതായി പരാതി. മംഗലപുരം പൊലീസ് സ്റ്റേഷൻ പരിധിയിൽ വ്യാഴാഴ്‌ച രാത്രി എട്ട് മണിയോടെയായിരുന്നു സംഭവം നടന്നത്.

## Article Content

(, piravomnews. in) തിരുവനന്തപുരത്ത് വയോധികയെ ബലാത്സംഗം ചെയ്‌തതായി പരാതി. മംഗലപുരം പൊലീസ് സ്റ്റേഷൻ പരിധിയിൽ വ്യാഴാഴ്‌ച രാത്രി എട്ട് മണിയോടെയായിരുന്നു സംഭവം നടന്നത്.

മംഗലപുരത്ത് ഒറ്റയ്ക്ക് താമസിച്ചുവരികയായിരുന്നു വയോധിക. രാത്രി വീട്ടിൽ അതിക്രമിച്ചെത്തിയ ആൾ ബലാത്സംഗം ചെയ്‌തതായാണ് ആരോപണം. വെട്ടുകത്തി കാട്ടി ഭീഷണിപ്പെടുത്തിയായിരുന്നു ബലാത്സംഗം ചെയ്‌തതെന്നും പരാതിയുണ്ട്.

ആദ്യം ഇവർ ബലാത്സംഗത്തിനിരയായ കാര്യം പൊലീസിനോട് പറഞ്ഞിരുന്നില്ല. പൊലീസ് വിശദമായി കാര്യങ്ങൾ ചോദിച്ചപ്പോഴായിരുന്നു ബലാത്സംഗത്തിനിരയായ കാര്യം ഇവർ പറഞ്ഞത്. വയോധികയുടെ വിശദമായ മൊഴി പൊലീസ് രേഖപ്പെടുത്തിയിട്ടുണ്ട്.

സംഭവത്തിൽ പൊലീസ് കേസ് രജിസ്റ്റർ ചെയ്തിട്ടുണ്ട്. സിസിടിവി ദൃശ്യങ്ങൾ അടക്കം ശേഖരിച്ചുകൊണ്ടാണ് പൊലീസ് അന്വേഷണം നടത്തുന്നത്. പ്രതിയെ കുറിച്ച് പൊലീസിന് സൂചന ലഭിച്ചതായാണ് വിവരം.

### Related Links & Sources
- [Original Story Source](https://piravom.truevisionnews.com/news/350159/man-breaks-into-house-at-night-threatens-with-machete-elderly-woman-raped-complaint-filed)