പിറവം.... പണിതിട്ടും പണിതിട്ടും പണിതീരാത്ത കോരങ്കടവ് പാലം. ജനപ്രതിനിധികളുടെ ഇച്ഛാശക്തി ഇല്ലായ്മക്ക് ഉദാഹരണമായി കുന്നത്തുനാട്-പിറവം നിയോജക മണ്ഡലങ്ങളെ തമ്മിൽ ബന്ധിപ്പിക്കുന്ന കറുകപ്പിള്ളി കോരൻകടവ് പാലം കോണ്ടു പലക ആയി നിൽക്കുന്നു.
കോരങ്കടവ് പാലം പണി തുടങ്ങിയിട്ട് ഒന്നരപതിറ്റാണ്ട് പിന്നിടുന്നു. നാട്ടുകാരുടെ ചിരകാല സ്വപ്നമായിരുന്ന പാലത്തിന് ഭരണാനുമതി ലഭിക്കുന്നത് 2009 ജൂലായ് 14 നാണ്. 9 കോടി രൂപ ആണ് അന്ന് അനുവദിച്ചത്. ഒച്ചിഴയും വേഗത്തിൽ നീങ്ങിയ പണി 2012 ഏപ്രിലിൽ നിന്നു.
പിന്നീട് പാലം പണി ഉപേക്ഷിച്ച് കരാറുകാരൻ പോയി. 2019 ൽ 14.3 കോടി രൂപയുടെ റീ ടെൻഡർ.വെച്ച് പാലം പണി തുടങ്ങി 2022 ആയിട്ടും പാലം പണി തുടർന്ന് കൊണ്ടിരിക്കുന്നു. കിഴുമുറി പാലം കര തൊട്ടെങ്കിലും അതിനു മുൻപ് തുടങ്ങിയ കോരൻ കടവ് പാലം കര തൊടാൻ ഇനിയും ദൂരം ഏറെ. ബാക്കി സ്പാനുകൾ പൂർത്തിയാക്കണം. കറുകപ്പിള്ളിയിൽ അപ്രോച്ച് റോഡ് പൂർത്തിയായിട്ടില്ല എന്നതാണ് വെല്ലുവിളി. അതിനായി പിഡബ്ലുവിനു സ്ഥലം ഏറ്റെടുത്ത് നൽകണം, വെറ്റ്ലാൻഡ് തരം മാറ്റണം.ജനങളുടെ കാത്തിരിപ്പിന് ഇനിയും നീളം കൂടാതിരിക്കുവാൻ എംഎൽ എ യുടെ ഇടപെടൽ ഉണ്ടാവണമെന്ന് നാട്ടുകാർ പറഞ്ഞു
Korangadavu bridge, both built and unfinished
.jpeg)
