---
title: "ഓടുന്ന ബസിന്റെ ഫ്ളോർ തകർന്ന് റോഡിലേക്ക് വീണ് ആറുവയസുകാരി മരിച്ചു"
english_title: "Six-year-old girl dies after floor of moving bus collapses and falls onto road."
publisher: "piravomnews.in"
canonical_url: "https://piravom.truevisionnews.com/news/345147/six-year-old-girl-dies-after-floor-of-moving-bus-collapses-and-falls-onto-road"
published_at: "2026-03-02T14:39:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/69a553fa3fba6_1000399141.png"
keywords: []
---

# ഓടുന്ന ബസിന്റെ ഫ്ളോർ തകർന്ന് റോഡിലേക്ക് വീണ് ആറുവയസുകാരി മരിച്ചു

> **Lead Summary:** ലഖ്നൗ: ഓടുന്ന ബസിന്റെ ഫ്ളോർ തകർന്ന് റോഡിലേക്ക് വീണ് ആറുവയസുകാരി മരിച്ചു. ബസിൻ്റെ പിൻചക്രം കയറിയാണ് മരണം. ഉത്തർപ്രദേശിലെ കാസ്ഗഞ്ച് ജില്ലയിലാണ് സംഭവം. അലിഗഡിലെ മൗണ്ട് ദേവ് ഇൻ്റർനാഷണൽ സ്‌കൂളിൽ യുകെജി വിദ്യാർഥിനി അനന്യ കുമാരിയാണ് മരിച്ചത് .

## Article Content

ലഖ്നൗ: ഓടുന്ന ബസിന്റെ ഫ്ളോർ തകർന്ന് റോഡിലേക്ക് വീണ് ആറുവയസുകാരി മരിച്ചു. ബസിൻ്റെ പിൻചക്രം കയറിയാണ് മരണം. ഉത്തർപ്രദേശിലെ കാസ്ഗഞ്ച് ജില്ലയിലാണ് സംഭവം. അലിഗഡിലെ മൗണ്ട് ദേവ് ഇൻ്റർനാഷണൽ സ്‌കൂളിൽ യുകെജി വിദ്യാർഥിനി അനന്യ കുമാരിയാണ് മരിച്ചത് .

സ്‌കൂളിൽ നിന്ന് വീട്ടിലേക്ക് മടങ്ങുമ്പോൾ ആയിരുന്നു അപകടം സംഭവിച്ചത് എന്നാണ് റിപ്പോർട്ടുകൾ. പൊലീസ് പറയുന്നതനുസരിച്ച്, ബസിലെ ഫ്ളോർ പെട്ടെന്ന് തകരുകയും ഒരു വിടവ് രൂപപ്പെടുകയും ചെയ്‌തു, ആ വിടവിലൂടെ അനന്യ റോഡിലേക്ക് വീഴുകയും ചെയ്തു. നിമിഷങ്ങൾക്കുള്ളിൽ ബസിന്റെ പിൻചക്രം അവരുടെ മേൽ കയറിയിറങ്ങി. വിദ്യാർഥിനി സംഭവസ്ഥലത്ത് തന്നെ മരിച്ചു.

അതേസമയം, അപകടമുണ്ടായിട്ടും ഡ്രൈവർ വാഹനം നിർത്തിയില്ലെന്നും പൊലീസ് പറയുന്നു. ബസിലുണ്ടായിരുന്ന കുട്ടികളും റോഡിലൂടെ കടന്നുപോയവരും സംഭവത്തെക്കുറിച്ച് അറിയിച്ചതിനുശേഷം മാത്രമാണ് അദ്ദേഹം ബസ് നിർത്തിയത്. ബസിന് ഫിറ്റ്നസ് സർട്ടിഫിക്കറ്റോ ഇൻഷുറൻസോ ഇല്ലായിരുന്നുവെന്ന് പൊലീസ് പറഞ്ഞു. ഡ്രൈവറെ പൊലീസ് അറസ്റ്റ് ചെയ്‌. സംഭവത്തിൽ അന്വേഷണം ആരംഭിച്ചിട്ടുണ്ടെന്നും ഉദ്യോഗസ്ഥർ അറിയിച്ചു.

### Related Links & Sources
- [Original Story Source](https://piravom.truevisionnews.com/news/345147/six-year-old-girl-dies-after-floor-of-moving-bus-collapses-and-falls-onto-road)