---
title: "ഗർഭിണിയായ ഭാര്യയെയും മൂന്ന് പെൺകുട്ടികളെയും അതിക്രൂരമായി കൊലപ്പെടുത്തി"
english_title: "Brutally murdered his pregnant wife and three daughters"
publisher: "piravomnews.in"
canonical_url: "https://piravom.truevisionnews.com/news/344346/brutally-murdered-his-pregnant-wife-and-three-daughters"
published_at: "2026-02-26T12:19:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/699fed81a285f_ghuj.jpg"
keywords: []
---

# ഗർഭിണിയായ ഭാര്യയെയും മൂന്ന് പെൺകുട്ടികളെയും അതിക്രൂരമായി കൊലപ്പെടുത്തി

> **Lead Summary:** ഡൽഹി: ദേശീയ തലസ്ഥാനത്തെ പ്രേംചന്ദ് പാർക്കിൽ ബിഹാർ സ്വദേശിയായ യുവാവ് ഗർഭിണിയായ ഭാര്യയെയും മൂന്ന് പെൺകുട്ടികളെയും അതിക്രൂരമായി കൊലപ്പെടുത്തി.

## Article Content

ഡൽഹി: ദേശീയ തലസ്ഥാനത്തെ പ്രേംചന്ദ് പാർക്കിൽ ബിഹാർ സ്വദേശിയായ യുവാവ് ഗർഭിണിയായ ഭാര്യയെയും മൂന്ന് പെൺകുട്ടികളെയും അതിക്രൂരമായി കൊലപ്പെടുത്തി.

മുഞ്ചുൻ കെവാട്ട് എന്നയാൾ തന്റെ ഭാര്യ അനിതയെയും (27) മൂന്ന് മുതൽ അഞ്ച് വയസ്സ് വരെ പ്രായമുള്ള പെൺമക്കളെയും കഴുത്തറുത്ത് കൊലപ്പെടുത്തുകയായിരുന്നു. ബുധനാഴ്ച രാവിലെ രക്തത്തിൽ കുളിച്ചുകിടക്കുന്ന നിലയിലാണ് അയൽവാസികൾ മൃതദേഹങ്ങൾ കണ്ടെത്തിയത്.

പ്രതിക്ക് മകനോടുള്ള അമിതമായ ഇഷ്ടമാണ് ഈ ക്രൂരതയ്ക്ക് പിന്നിലെന്ന സംശയം പോലീസ് പ്രകടിപ്പിക്കുന്നുണ്ട്. കൊലപാതകത്തിന് ഉപയോഗിച്ച മൂർച്ചയുള്ള ആയുധം പോലീസ് കണ്ടെടുത്തു. രണ്ട് വർഷം മുൻപാണ് ഈ കുടുംബം ബിഹാറിൽ നിന്ന് ഡൽഹിയിലേക്ക് താമസം മാറിയത്. സംഭവത്തിന് ശേഷം ഒളിവിൽ പോയ പ്രതിക്കായി പോലീസ് തിരച്ചിൽ ഊർജിതമാക്കിയിട്ടുണ്ട്.

### Related Links & Sources
- [Original Story Source](https://piravom.truevisionnews.com/news/344346/brutally-murdered-his-pregnant-wife-and-three-daughters)