---
title: "ശരീര ഭാരം കുറയ്ക്കാനായി കേരളത്തിൽ ചികിത്സക്കെത്തി ; ആയുർവേദ കേന്ദ്രത്തിൽ റഷ്യൻ പൗരൻ മരിച്ചു"
english_title: "Russian citizen dies at Ayurveda center after coming to Kerala for treatment to lose weight."
publisher: "piravomnews.in"
canonical_url: "https://piravom.truevisionnews.com/news/342888/russian-citizen-dies-at-ayurveda-center-after-coming-to-kerala-for-treatment-to-lose-weight"
published_at: "2026-02-19T13:28:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6996c2e377872_1000503218.jpg"
keywords: []
---

# ശരീര ഭാരം കുറയ്ക്കാനായി കേരളത്തിൽ ചികിത്സക്കെത്തി ; ആയുർവേദ കേന്ദ്രത്തിൽ റഷ്യൻ പൗരൻ മരിച്ചു

> **Lead Summary:** തിരുവനന്തപുരം : ശരീര ഭാരം കുറയ്ക്കാനായി പുളിങ്കുടിയിലെ ആയുർവേദ കേന്ദ്രത്തിൽ സഹോദരനൊപ്പം ചികിത്സയ്ക്കെത്തിയ റഷ്യൻ പൗരൻ മരിച്ചു. മോസ്കോയിൽ താമസിക്കുന്ന പോഡ്ഗോർണോവ് ആണ് മരിച്ചത്.

## Article Content

തിരുവനന്തപുരം : ശരീര ഭാരം കുറയ്ക്കാനായി പുളിങ്കുടിയിലെ ആയുർവേദ കേന്ദ്രത്തിൽ സഹോദരനൊപ്പം ചികിത്സയ്ക്കെത്തിയ റഷ്യൻ പൗരൻ മരിച്ചു. മോസ്കോയിൽ താമസിക്കുന്ന പോഡ്ഗോർണോവ് ആണ് മരിച്ചത്.

ബുധനാഴ്‌ച ഉച്ചയോടെ ദേഹാസ്വാസ്ഥ്യമുണ്ടായതിനെ തുടർന്നാണ് ആയുർവേദ ചികിത്സാകേന്ദ്രത്തിലെ ജീവനക്കാർ ഇയാളെ വിഴിഞ്ഞം ആശുപത്രിയിലെത്തിച്ചത്. ആശുപത്രിയിലെത്തിച്ചയുടനെ മരണം സംഭവിക്കുകയായിരുന്നു. തുടർന്ന് വിഴിഞ്ഞം പോലീസിൽ വിവരമറിയിക്കുകയും പോലീസ് കേസെടുക്കുകയും ചെയ്‌തു.

മരിച്ചയാൾ മോസ്കോയിൽ ബിസിനസുകാരനാണെന്നും 180 കിലോ ശരീരഭാരമുള്ള ഇദ്ദേഹം ശരീരഭാരം കുറയ്ക്കുന്നതിനാണ് ഫെബ്രുവരി നാലാം തീയതി ആയുർവേദ ചികിത്സാകേന്ദ്രത്തിലെത്തിയതെന്നും പൊലീസ് പറഞ്ഞു.

വിഴിഞ്ഞം എസ്ഐ ദിനേശിന്റെ നേതൃത്വത്തിൽ ഇൻക്വസ്റ്റ് പൂർത്തിയാക്കിയശേഷം മൃതദേഹം മെഡിക്കൽ കോളേജ് ആശുപത്രിയിലെ മോർച്ചറിയിലേക്ക് മാറ്റി. നടപടികൾ പൂർത്തിയാക്കിയശേഷം മൃതദേഹം മോസ്കോയിലേക്ക് കൊണ്ടുപോകുമെന്ന് പോലീസ് അറിയിച്ചു.

### Related Links & Sources
- [Original Story Source](https://piravom.truevisionnews.com/news/342888/russian-citizen-dies-at-ayurveda-center-after-coming-to-kerala-for-treatment-to-lose-weight)