---
title: " സ്കൂൾ ബസ് കനാലിലേക്ക് മറിഞ്ഞു ; വെള്ളത്തിലേക്ക് വീണ 15 കുട്ടികൾക്ക് പരിക്ക്"
english_title: "School bus overturns into canal; 15 children injured after falling into water"
publisher: "piravomnews.in"
canonical_url: "https://piravom.truevisionnews.com/news/342416/school-bus-overturns-into-canal-15-children-injured-after-falling-into-water"
published_at: "2026-02-17T11:34:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6994060dec641_gyui.jpg"
keywords: []
---

#  സ്കൂൾ ബസ് കനാലിലേക്ക് മറിഞ്ഞു ; വെള്ളത്തിലേക്ക് വീണ 15 കുട്ടികൾക്ക് പരിക്ക്

> **Lead Summary:** തിരുവനന്തപുരം: നെയ്യാറ്റിൻകരയിൽ സ്കൂൾ ബസ് കനാലിലേക്ക് മറിഞ്ഞ് 15 കുട്ടികൾക്ക് പരിക്ക്. പൂവത്തൂർ സ്കൂളി ലെ ബസാണ് മറിഞ്ഞത്.

## Article Content

തിരുവനന്തപുരം: നെയ്യാറ്റിൻകരയിൽ സ്കൂൾ ബസ് കനാലിലേക്ക് മറിഞ്ഞ് 15 കുട്ടികൾക്ക് പരിക്ക്. പൂവത്തൂർ സ്കൂളി ലെ ബസാണ് മറിഞ്ഞത്.

കുട്ടികളെ കാരക്കോണം മെഡിക്കൽ കോളജിൽ പ്രവേശിപ്പിച്ചിരിക്കുകയാണ്. വണ്ടിയിൽ ഉണ്ടായിരുന്ന ആയയ്ക്കും പരിക്കേറ്റിട്ടുണ്ട്. നെയ്യാറ്റിൻകരക്കടുത്ത് പൂവത്തൂര്‍ ഗവണ്‍മെന്‍റ് യുപി സ്കൂളിലെ ബസാണ് അപകടത്തിൽപെട്ടത്. സ്കൂളിലേക്ക് എത്തുന്ന സമയത്ത് ചെറിയൊരു കനാലുണ്ട്. അതിലേക്കാണ് വാൻ മറിഞ്ഞത്. 15 കുട്ടികള്‍ വെള്ളത്തിലേക്ക് വീണു. കനാലിൽ വെള്ളം കുറവായിരുന്നതിനാൽ അപകടം ഒഴിവായി. ഒരു കുട്ടിയൊഴികെ ബാക്കി കുട്ടികള്‍ക്ക് നിസാര പരിക്ക് മാത്രമാണുള്ളതെന്നാണ് പ്രാഥമികമായി ലഭിക്കുന്ന വിവരം. പരിക്കേറ്റ കുട്ടികളെ കാരക്കോണം മെഡിക്കൽ കോളേജ് ആശുപത്രിയിലേക്കും നെയ്യാറ്റിൻകര ജില്ലാ ആശുപത്രിയിലേക്കും മാറ്റി.

### Related Links & Sources
- [Original Story Source](https://piravom.truevisionnews.com/news/342416/school-bus-overturns-into-canal-15-children-injured-after-falling-into-water)