---
title: "അതിഥി തൊഴിലാളികൾ തമ്മിലുള്ള തർക്കം: 13 വയസ്സുകാരിക്ക് കുത്തേറ്റു   "
english_title: "Dispute between guest workers: 13-year-old girl stabbed"
publisher: "piravomnews.in"
canonical_url: "https://piravom.truevisionnews.com/news/338467/dispute-between-guest-workers-13-year-old-girl-stabbed"
published_at: "2026-01-27T11:12:00+05:30"
category: "Ernakulam "
language: "ml"
image: "https://cf.zdn.im/img/truevisionnews.com/0/image-uploads/6978505555614_stabbed.jpg"
keywords: []
---

# അതിഥി തൊഴിലാളികൾ തമ്മിലുള്ള തർക്കം: 13 വയസ്സുകാരിക്ക് കുത്തേറ്റു   

> **Lead Summary:** കൊച്ചി: കാക്കനാട് അതിഥി തൊഴിലാളികൾ താമസിക്കുന്ന ലേബർ ക്യാമ്പിലുണ്ടായ തർക്കത്തിനിടെ 13 വയസ്സുകാരിക്ക് കുത്തേറ്റു. പരിക്കേറ്റ പെൺകുട്ടിയെ ഉടൻ തന്നെ സമീപത്തെ സ്വകാര്യ ആശുപത്രിയിൽ പ്രവേശിപ്പിച്ചു.

## Article Content

കൊച്ചി: കാക്കനാട് അതിഥി തൊഴിലാളികൾ താമസിക്കുന്ന ലേബർ ക്യാമ്പിലുണ്ടായ തർക്കത്തിനിടെ 13 വയസ്സുകാരിക്ക് കുത്തേറ്റു. പരിക്കേറ്റ പെൺകുട്ടിയെ ഉടൻ തന്നെ സമീപത്തെ സ്വകാര്യ ആശുപത്രിയിൽ പ്രവേശിപ്പിച്ചു.

കുട്ടിയുടെ പരിക്ക് ഗുരുതരമല്ലെന്നാണ് പ്രാഥമിക വിവരം. തിങ്കളാഴ്ച രാത്രിയാണ് സംഭവമുണ്ടായത്. ക്യാമ്പിൽ താമസിക്കുന്ന രണ്ട് തൊഴിലാളികൾ തമ്മിലുണ്ടായ വാക്കുതർക്കം സംഘർഷത്തിൽ കലാശിക്കുകയായിരുന്നു.

ഇതിനിടെ ഒരാൾ കയ്യിലുണ്ടായിരുന്ന ആയുധം ഉപയോഗിച്ച് ആക്രമിക്കാൻ ശ്രമിച്ചപ്പോൾ തടയാൻ ശ്രമിക്കുന്നതിനിടെയാണ് സമീപത്തുണ്ടായിരുന്ന പെൺകുട്ടിക്ക് കുത്തേറ്റത്. പെൺകുട്ടിയുടെ പിതാവും സംഘർഷത്തിൽ ഉൾപ്പെട്ടതായാണ് വിവരം. സംഭവത്തിൽ തൃക്കാക്കര പൊലീസ് കേസെടുത്ത് അന്വേഷണം ആരംഭിച്ചു.

ആക്രമണം നടത്തിയ ആളെ പൊലീസ് കസ്റ്റഡിയിലെടുത്തതായാണ് സൂചന. ക്യാമ്പിലെ വ്യക്തിവൈരാഗ്യമാണോ അതോ മറ്റ് കാരണങ്ങളാണോ തർക്കത്തിലേക്ക് നയിച്ചതെന്ന് പൊലീസ് പരിശോധിച്ചു വരികയാണ്. നഗരത്തിലെ അതിഥി തൊഴിലാളി ക്യാമ്പുകളിൽ സുരക്ഷാ പരിശോധനയും നിരീക്ഷണവും ശക്തമാക്കണമെന്ന് നാട്ടുകാർ ആവശ്യപ്പെട്ടു.

### Related Links & Sources
- [Original Story Source](https://piravom.truevisionnews.com/news/338467/dispute-between-guest-workers-13-year-old-girl-stabbed)