---
title: "നിയന്ത്രണം വിട്ട ടിപ്പർ ലോറി വീടിനുള്ളിലേക്ക് ഇടിച്ചുകയറി ; മൂന്ന് പേർക്ക് പരിക്ക്"
english_title: "Tipper lorry crashes into house, injuring three."
publisher: "piravomnews.in"
canonical_url: "https://piravom.truevisionnews.com/news/337235/tipper-lorry-crashes-into-house-injuring-three"
published_at: "2026-01-20T11:09:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/696f153b086bb_1000467795.png"
keywords: []
---

# നിയന്ത്രണം വിട്ട ടിപ്പർ ലോറി വീടിനുള്ളിലേക്ക് ഇടിച്ചുകയറി ; മൂന്ന് പേർക്ക് പരിക്ക്

> **Lead Summary:** പാലക്കാട്: മണ്ണാർക്കാട് - കോങ്ങാട് പാതയിൽ നിയന്ത്രണം വിട്ട ടിപ്പർ ലോറി വീടിനുള്ളിലേക്ക് ഇടിച്ചുകയറി മൂന്ന് പേർക്ക് പരിക്ക്.

## Article Content

പാലക്കാട്: മണ്ണാർക്കാട് - കോങ്ങാട് പാതയിൽ നിയന്ത്രണം വിട്ട ടിപ്പർ ലോറി വീടിനുള്ളിലേക്ക് ഇടിച്ചുകയറി മൂന്ന് പേർക്ക് പരിക്ക്.

പള്ളിക്കുറുപ്പിൽ ഇന്ന് പുലർച്ചെ ആറുമണിയോടെയായിരുന്നു ദാരുണമായ ഈ അപകടം. പള്ളിക്കുറുപ്പ് കൊന്നക്കാട് സ്വദേശിയുടെ ഉടമസ്ഥതയിലുള്ള വാടക വീട്ടിലേക്കാണ് ലോറി പാഞ്ഞുകയറിയത്.

ഗുരുതരമായി പരിക്കേറ്റ ആളെ മണ്ണാർക്കാട് സ്വകാര്യ ആശുപത്രിയിലും, നിസാര പരിക്കേറ്റ രണ്ടുപേരെ മണ്ണാർക്കാട് താലൂക്ക് ആശുപത്രിയിലും പ്രവേശിപ്പിച്ചു. മണ്ണാർക്കാട് ഭാഗത്ത് തേനീച്ച കൃഷി ചെയ്യുന്നതിന് എത്തിയ തിരുവനന്തപുരം സ്വദേശികൾക്കാണ് പരിക്കേറ്റത്. ഇവർ താമസിക്കുന്ന വാടക വീട്ടിലേക്കാണ് ടിപ്പർ ലോറി ഇടിച്ചുകയറിയത്.

വീടിൻ്റെ മുൻ ഭാഗം പൂർണമായും തകർന്നു.

### Related Links & Sources
- [Original Story Source](https://piravom.truevisionnews.com/news/337235/tipper-lorry-crashes-into-house-injuring-three)