---
title: "മകളുടെ ബന്ധം ചോദ്യം ചെയ്തു ; പിതാവിനെ വെട്ടിക്കൊന്ന് അയൽവാസിയായ യുവാവ്"
english_title: "Neighborhood youth stabs father to death after questioning daughter's relationship."
publisher: "piravomnews.in"
canonical_url: "https://piravom.truevisionnews.com/news/336601/neighborhood-youth-stabs-father-to-death-after-questioning-daughters-relationship"
published_at: "2026-01-16T10:52:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6969cb43bc203_murder.jpg"
keywords: []
---

# മകളുടെ ബന്ധം ചോദ്യം ചെയ്തു ; പിതാവിനെ വെട്ടിക്കൊന്ന് അയൽവാസിയായ യുവാവ്

> **Lead Summary:** പാലക്കാട്: മംഗലംഡാം തളികകല്ല് ആദിവാസി ഉന്നതിയിൽ അയൽവാസിയുടെ വെട്ടേറ്റ് കുടുംബനാഥൻ കൊല്ലപ്പെട്ടു. തളികക്കല്ല് ഉന്നതിയിലെ രാജാമണി ആണ് കൊല്ലപ്പെട്ടത്.

## Article Content

പാലക്കാട്: മംഗലംഡാം തളികകല്ല് ആദിവാസി ഉന്നതിയിൽ അയൽവാസിയുടെ വെട്ടേറ്റ് കുടുംബനാഥൻ കൊല്ലപ്പെട്ടു. തളികക്കല്ല് ഉന്നതിയിലെ രാജാമണി ആണ് കൊല്ലപ്പെട്ടത്.

അയൽവാസിയായ രാഹുലാണ് കൊലപ്പെടുത്തിയത്.കൊലപാതകത്തിനുശേഷം കാട്ടിലേക്ക് കയറിയ പ്രതിയെ ഇന്ന് പുലർച്ചെ പിടികൂടി. വ്യാഴാഴ്‌ച രാത്രി ഒൻപത് മണിയോടു കൂടിയാണ് സംഭവം.

തളികല്ലിലെ വീടിൻറെ സമീപത്ത് വെച്ച് കൊടുവാൾ കൊണ്ട് വെട്ടി കൊലപ്പെടുത്തുകയാണെന്നാണ് പറയുന്നത്. രാജാമണിയുടെ മകളും രാഹുലും തമ്മിലുള്ള ബന്ധം ചോദ്യം ചെയ്തതാണ് കൊലപാതകത്തിന് പിന്നിലെന്ന് മംഗലംഡാം പൊലീസ് പറഞ്ഞു.

വെട്ടേറ്റ് ഗുരുതരമായി പരിക്കേറ്റ രാജാമണിയെ ആശുപത്രിയിലെത്തിച്ചെങ്കിലും രക്ഷിക്കാനായില്ല. സംഭവത്തെതുടർന്ന് പൊലീസ് സ്ഥലത്തെത്തി അന്വേഷണം ആരംഭിച്ചിരുന്നു.

സംഭവത്തിനുശേഷം രാഹുൽ സ്ഥലത്ത് നിന്ന് കടന്നുകളയുകയായിരുന്നു. പ്രതിക്കായുള്ള തെരച്ചിൽ തുടരുന്നതിനിടെയാണ് ഇന്ന് പുലർച്ചെ പിടികൂടിയത്. രാജാമണിയുടെ മൃതദേഹം ജില്ലാ ആശുപത്രി മോർച്ചറിയിലേക്ക് മാറ്റി.

### Related Links & Sources
- [Original Story Source](https://piravom.truevisionnews.com/news/336601/neighborhood-youth-stabs-father-to-death-after-questioning-daughters-relationship)