---
title: "സ്കൂ‌ട്ടറിന്റെ നിയന്ത്രണം വിട്ട് ഓടയിൽ വീണു ; യുവാവിന് ദാരുണാന്ത്യം "
english_title: "Young man dies after losing control of scooter and falling into drain."
publisher: "piravomnews.in"
canonical_url: "https://piravom.truevisionnews.com/news/335683/young-man-dies-after-losing-control-of-scooter-and-falling-into-drain"
published_at: "2026-01-10T13:35:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6962086174245_1000454435.png"
keywords: []
---

# സ്കൂ‌ട്ടറിന്റെ നിയന്ത്രണം വിട്ട് ഓടയിൽ വീണു ; യുവാവിന് ദാരുണാന്ത്യം 

> **Lead Summary:** തിരുവനന്തപുരം: തിരുവനന്തപുരം അണ്ടൂർകോണത്ത് സ്കൂ‌ട്ടറിന്റെ നിയന്ത്രണം വിട്ട് ഓടയിൽ വീണ് യുവാവ് മരിച്ചു.

## Article Content

തിരുവനന്തപുരം: തിരുവനന്തപുരം അണ്ടൂർകോണത്ത് സ്കൂ‌ട്ടറിന്റെ നിയന്ത്രണം വിട്ട് ഓടയിൽ വീണ് യുവാവ് മരിച്ചു.

അണ്ടൂർക്കോണം എ എസ് മൻസിലിൽ അൻഷാദ് (45) ആണ് മരിച്ചത്. യാതൊരു സുരക്ഷാ സംവിധാനങ്ങളുമില്ലാത്ത ഓടയിലാണ് അൻഷാദ് വീണത്. ഇന്ന് പുലർച്ചെ മൂന്നുമണിയോടെയാണ് അപകടം നടന്നത്.

അണ്ടൂർകോണം എൽ പി എസിന് സമീപമായിരുന്നു അപകടം. സ്കൂ‌ട്ടറിൽ വീട്ടിലേക്ക് പോവുകയായിരുന്ന അൻഷാദ് വളവിൽ വച്ച് നിയന്ത്രണം വിട്ട് ഓടയിലേക്ക് വീഴുകയായിരുന്നു. സ്‌കൂട്ടറിലെ ലൈറ്റ് അണയാതിരുന്നതിനാൽ പിന്നീട് അതുവഴി വന്ന യാത്രക്കാരുടെ ശ്രദ്ധയിൽപ്പെടുകയായിരുന്നു.തുടർന്നു പൊലീസിൽ വിവരമറിയിക്കുകയായിരുന്നു.

പൊലീസും നാട്ടുകാരും ചേർന്ന് അൻഷാദിനെ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല. കഴക്കൂട്ടത്തെ സ്വകാര്യ കോച്ചിംഗ് സെന്ററിലെ ജീവനക്കാരനാണ് മരിച്ച അൻഷാദ്.മരണത്തിൽ മംഗലപുരം പൊലീസ് കേസെടുത്ത് അന്വേഷണം ആരംഭിച്ചു.

### Related Links & Sources
- [Original Story Source](https://piravom.truevisionnews.com/news/335683/young-man-dies-after-losing-control-of-scooter-and-falling-into-drain)