---
title: " മൂവാറ്റുപുഴയിൽ കുഴലപ്പം വിതരണം ചെയ്ത‌് മാത്യു കുഴൽനാടൻ എംഎൽഎ ; ഡിവൈഎഫ് യുടെ വിമർശനത്തിന് ചുട്ട മറുപടി"
english_title: "Mathew Kuzhalnadan MLA distributes Kuzhalappam in Muvattupuzha; A scathing response to DYF's criticism."
publisher: "piravomnews.in"
canonical_url: "https://piravom.truevisionnews.com/news/331011/mathew-kuzhalnadan-mla-distributes-kuzhalappam-in-muvattupuzha-a-scathing-response-to-dyfs-criticism"
published_at: "2025-12-13T22:06:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/693d9618de16c_1000425074.png"
keywords: []
---

#  മൂവാറ്റുപുഴയിൽ കുഴലപ്പം വിതരണം ചെയ്ത‌് മാത്യു കുഴൽനാടൻ എംഎൽഎ ; ഡിവൈഎഫ് യുടെ വിമർശനത്തിന് ചുട്ട മറുപടി

> **Lead Summary:** ഇടുക്കി : മൂവാറ്റുപുഴയിൽ കുഴലപ്പം വിതരണം ചെയ്ത‌് മാത്യു കുഴൽനാടൻ എംഎൽഎ.

## Article Content

ഇടുക്കി : മൂവാറ്റുപുഴയിൽ കുഴലപ്പം വിതരണം ചെയ്ത‌് മാത്യു കുഴൽനാടൻ എംഎൽഎ.

തദ്ദേശ സ്വയംഭരണ സ്ഥാപനങ്ങളിലേക്ക് നടന്ന തെരഞ്ഞെടുപ്പിൽ മൂവാറ്റുപുഴയിലും പരിസരപ്രദേശങ്ങളിലും ഉള്ള തദ്ദേശസ്വയംഭരണ സ്ഥാപനങ്ങളും യുഡിഎഫ് വലിയ വിജയം കരസ്ഥമാക്കിയിരുന്നു.

വിജയാഘോഷം പങ്കുവയ്ക്കുന്നതിൻറെ ഭാഗമായി നഗരത്തിൽ നടത്തിയ പ്രകടനത്തിലാണ് എംഎൽഎയുടെ നേതൃത്വത്തിൽ കോൺഗ്രസ് പ്രവർത്തകർ കുഴലപ്പം വിതരണം ചെയ്‌തത്. നേരത്തെ, എംഎൽഎക്കെതിരെ നിരവധി പ്രതിഷേധങ്ങളിൽ ഡിവൈഎഫ്ഐയുടെയും, എൽഡിഎഫിൻ്റെയും നേതൃത്വത്തിൽ പ്രകടനം നടത്തിയപ്പോൾ കുഴലപ്പം വ്യാപകമായി വിതരണം ചെയ്‌തിരുന്നു.

തദ്ദേശ തെരഞ്ഞെടുപ്പിൽ യുഡിഎഫ് തരംഗം. കോർപ്പറേഷനുകളിൽ ചരിത്ര വിജയം നേടിയ മുന്നണി നഗരസഭകളിലും ബ്ലോക്ക് ഗ്രാമപഞ്ചായത്തുകളിലും ഇടത് മുന്നണിയെ മലർത്തിയടിച്ചു. മിന്നും ജയത്തോടെ നാല് കോർപ്പറേഷനുകളിലാണ് യുഡിഎഫ് ഭരണമുറപ്പിച്ചത്. മുനിസിപ്പാലിറ്റികളിലും ത്രിതല പഞ്ചായത്തുകളിലും യുഡിഎഫ് തന്നെയാണ് മുന്നിൽ. ജില്ലാ പഞ്ചായത്തുകളിൽ ഇരുമുന്നണികളും ഒപ്പത്തിനൊപ്പമാണ്.

ഇപ്പോഴില്ലെങ്കിൽ ഇനിയില്ല എന്ന് മനസിൽ കുറിച്ചായിരുന്നു തദ്ദേശപ്പോരിൽ യുഡിഎൻറെ പ്രചരണം. തദ്ദേശത്തിലെ തോൽവി കേരള ഭരണത്തിലേയ്ക്ക് മടങ്ങി വരാനുള്ള സാധ്യതകളെ തകർക്കും. മൂന്നാമതും പ്രതിപക്ഷത്തായാൽ പിന്നെ രാഷ്ട്രീയ വനവാസം. ജയിച്ചേ തീരുവെന്ന് ഉറപ്പിച്ച യുഡിഎഫുകാരെല്ലാം പ്രചരണത്തിന് കൈയ്മെയ് മറന്നിറങ്ങി. പണ്ടത്തെപ്പോലെ തർക്കങ്ങളില്ലാതെ സ്ഥാനാർത്ഥികളെ തീരുമാനിച്ചു. സംഘടനാ ശക്തിയില്ലാത്തയിടത്ത് ഉള്ളവർ ഒറ്റയ്ക്കെങ്കിലും വോട്ട് തേടി വീടുകയറി.

പണവും ആളുമില്ലെന്ന് ആരും പരാതി പറഞ്ഞിരുന്നില്ല. അക്ഷരാർത്ഥത്തിൽ ജീവൻമരണ പോരാട്ടമായിരുന്നു യുഡിഎഫിന് തദ്ദേശ തെരഞ്ഞെടുപ്പ്. തോറ്റ് പോയ യുഡിഎഫ് സ്ഥാനാർത്ഥികൾക്ക് പോലും ആഹ്ലാദിക്കാൻ കഴിയുന്ന മിന്നും ജയം മുന്നണി നേടി.

### Related Links & Sources
- [Original Story Source](https://piravom.truevisionnews.com/news/331011/mathew-kuzhalnadan-mla-distributes-kuzhalappam-in-muvattupuzha-a-scathing-response-to-dyfs-criticism)