---
title: "നിർത്തിയിട്ടിരുന്ന ലോറിക്ക് പിന്നിൽ ബൈക്കിടിച്ച് യുവാവിന് ദാരുണാന്ത്യം"
english_title: "Young man dies after crashing his bike into the back of a parked lorry."
publisher: "piravomnews.in"
canonical_url: "https://piravom.truevisionnews.com/news/329805/young-man-dies-after-crashing-his-bike-into-the-back-of-a-parked-lorry"
published_at: "2025-12-07T10:26:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6935092975b6d_1000385483.png"
keywords: []
---

# നിർത്തിയിട്ടിരുന്ന ലോറിക്ക് പിന്നിൽ ബൈക്കിടിച്ച് യുവാവിന് ദാരുണാന്ത്യം

> **Lead Summary:** തിരുവനന്തപുരം : കോവളം ജംഗ്ഷന് സമീപം ബൈപ്പാസിൽ നിർത്തിയിട്ടിരുന്ന ലോറിക്ക് പിന്നിൽ ബൈക്കിടിച്ച് യുവാവിന് ദാരുണാന്ത്യം. നെയ്യാറ്റിൻകര പെരുമ്പഴുതൂർ പുന്നയ്ക്കാട് വാറുവിള വിനീഷ് ഭവനിൽ വി.പി. വിനീഷ് ആണ് മരിച്ചത്.

## Article Content

തിരുവനന്തപുരം : കോവളം ജംഗ്ഷന് സമീപം ബൈപ്പാസിൽ നിർത്തിയിട്ടിരുന്ന ലോറിക്ക് പിന്നിൽ ബൈക്കിടിച്ച് യുവാവിന് ദാരുണാന്ത്യം. നെയ്യാറ്റിൻകര പെരുമ്പഴുതൂർ പുന്നയ്ക്കാട് വാറുവിള വിനീഷ് ഭവനിൽ വി.പി. വിനീഷ് ആണ് മരിച്ചത്.

ഇന്നലെ രാവിലെ ഒൻപതോടെ കോവളം ട്രാഫിക് സിഗ്‌നലിന് ശേഷമുള്ള സ്ഥലത്തായിരുന്നു അപകടം. സ്വകാര്യ നിർമാണ കമ്പനിയുടെ സൂപ്പർവൈസറായിരുന്നു. ഇതുമായി ബന്ധപ്പെട്ട് പെരുമ്പഴുതൂരിൽ നിന്ന് ചാക്ക ഭാഗത്തേക്ക് പോകവെയായിരുന്നു അപകടം.

തമിഴ്‌നാട്ടിൽ നിന്ന് സിമെൻറ് കയറ്റിവന്ന ലോറി ടയർ പഞ്ചറായി റോഡിൻറെ വശത്ത് പാർക്ക് ചെയ്തിരിക്കുകയായിരുന്നു. ഇതിന് പിന്നിലേക്ക് നിയന്ത്രണം നഷ്ടപ്പെട്ട ബൈക്ക് ഇടിച്ച് കയറിയായിരുന്നു അപകടം.

ലോറിയുടെ അടിഭാഗത്ത് തെറിച്ച് വീണ വിനീഷിനെ സ്വകാര്യ ആശുപത്രിയിലെത്തിച്ചു. തലക്ക് ഗുരുതര പരുക്കേറ്റ് ചികിത്സയിലിരിക്കെ വൈകിട്ടോടെയായിരുന്നു മരണം.

### Related Links & Sources
- [Original Story Source](https://piravom.truevisionnews.com/news/329805/young-man-dies-after-crashing-his-bike-into-the-back-of-a-parked-lorry)