---
title: "ഭാര്യാ മാതാവിനെയും സഹോദരൻറെ ഭാര്യയെയും മർദ്ദിച്ചു; പൊലീസുകാരനെതിരെ പരാതി"
english_title: "Complaint filed against policeman for assaulting mother-in-law and brother-in-law."
publisher: "piravomnews.in"
canonical_url: "https://piravom.truevisionnews.com/news/328021/complaint-filed-against-policeman-for-assaulting-mother-in-law-and-brother-in-law"
published_at: "2025-11-26T15:19:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6926cd4038f74_1000406314.png"
keywords: []
---

# ഭാര്യാ മാതാവിനെയും സഹോദരൻറെ ഭാര്യയെയും മർദ്ദിച്ചു; പൊലീസുകാരനെതിരെ പരാതി

> **Lead Summary:** കാസർകോട് കാഞ്ഞങ്ങാട് പൊലീസുകാരൻ സ്ത്രീകളെ മർദ്ദിച്ചതായി പരാതി. ഭാര്യ മാതാവിനെയും സഹോദരൻ്റെ ഭാര്യയെയും മർദ്ദിച്ചുവെന്നാണ് പെരിങ്ങോം സ്റ്റേഷനിലെ സിവിൽ പൊലീസ് ഓഫീസർ സതീശനെതിരായ പരാതി.

## Article Content

കാസർകോട് കാഞ്ഞങ്ങാട് പൊലീസുകാരൻ സ്ത്രീകളെ മർദ്ദിച്ചതായി പരാതി. ഭാര്യ മാതാവിനെയും സഹോദരൻ്റെ ഭാര്യയെയും മർദ്ദിച്ചുവെന്നാണ് പെരിങ്ങോം സ്റ്റേഷനിലെ സിവിൽ പൊലീസ് ഓഫീസർ സതീശനെതിരായ പരാതി.

പരിക്കേറ്റ ഭാര്യ മാതാവ് പ്രമീള, സഹോദരന്റെ ഭാര്യ ധന്യ എന്നിവർ ചികിത്സയിലാണ്. കുടുംബ പ്രശ്‌നമാണ് മർദ്ദനത്തിന് പിന്നിൽ. ഇന്നലെ വൈകീട്ടാണ് സംഭവം. സതീശന്റെ വിവാഹമോചനക്കേസ് നടന്നുകൊണ്ടിരിക്കെ കുഞ്ഞിനെ കാണുന്നതിനായാണ് ഇദ്ദേഹം ഭാര്യവീട്ടിലെത്തിയത്.

എന്നാൽ ഈ സമയം ഭാര്യക്കൊപ്പം കുട്ടി പുറത്തുപോയതായിരുന്നു. ഇക്കാര്യം സതീശനെ ഭാര്യാമാതാവ് അറിയിച്ചതോടെ പ്രകോപിതനായി. തനിക്ക് കുട്ടിയെ കൂട്ടിക്കൊണ്ടുപോകണമെന്ന് പറഞ്ഞ് ആദ്യം ബഹളം വെച്ച സതീശ് ഇവരെ മർദ്ദിക്കുകയായിരുന്നു.

### Related Links & Sources
- [Original Story Source](https://piravom.truevisionnews.com/news/328021/complaint-filed-against-policeman-for-assaulting-mother-in-law-and-brother-in-law)