---
title: "കൊടും ക്രൂരത ; സുഹൃത്തുക്കൾ തമ്മിലുള്ള സംഘർഷം , യുവാവിനെ കുത്തിക്കൊന്നു"
english_title: "Extreme cruelty; Conflict between friends, youth stabbed to death."
publisher: "piravomnews.in"
canonical_url: "https://piravom.truevisionnews.com/news/327635/extreme-cruelty-conflict-between-friends-youth-stabbed-to-death"
published_at: "2025-11-24T15:05:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/692427537ad4b_1000404285.png"
keywords: []
---

# കൊടും ക്രൂരത ; സുഹൃത്തുക്കൾ തമ്മിലുള്ള സംഘർഷം , യുവാവിനെ കുത്തിക്കൊന്നു

> **Lead Summary:** കോട്ടയം : കൊടും ക്രൂരത കോട്ടയം മാണിക്കുന്നത്ത് യുവാവിനെ കുത്തിക്കൊന്നു. പുതുപ്പള്ളി മാങ്ങാനം സ്വദേശി ആദർശ് ആണ് കൊല്ലപ്പെട്ടത്.

## Article Content

കോട്ടയം : കൊടും ക്രൂരത കോട്ടയം മാണിക്കുന്നത്ത് യുവാവിനെ കുത്തിക്കൊന്നു. പുതുപ്പള്ളി മാങ്ങാനം സ്വദേശി ആദർശ് ആണ് കൊല്ലപ്പെട്ടത്.

സംഭവത്തിൽ കോട്ടയം നഗരസഭമുൻ കൗൺസിലർ അനിൽകുമാറിനേയും മകൻ അഭിജിത്തിനേയും പൊലീസ് കസ്റ്റഡിയിലെടുത്തു.

ഇന്നലെ രാത്രിയിലാണ് സംഭവം. അനിൽകുമാറിൻ്റെ വീടിനു മുന്നിൽ വച്ചാണ് സംഭവം. അഭിജിത്തും കൊല്ലപ്പെട്ട ആദർശും തമ്മിലുള്ള സാമ്പത്തിക തർക്കമാണ് കൊലപാതകത്തിന് കാരണമെന്ന് പൊലീസ് പറയുന്നു.

ആദർശും സുഹൃത്തുക്കളും അർദ്ധരാത്രിയോടെ അഭിജിത്തിന്റെ വീട്ടിലെത്തി ബഹളമുണ്ടാക്കുകയായിരുന്നു. ഇത് സംഘർഷത്തിലെത്തുകയും അഭിജിത്ത് കത്തിയെടുത്ത് ആദർശിനെ കുത്തുകയുമായിരുന്നു.

ബോധരഹിതനായ ആദർശിനെ കോട്ടയം മെഡിക്കൽ കോളേജിലേക്ക് എത്തിച്ചെങ്കിലും മരണം സംഭവിച്ചിരുന്നു. അനിൽകുമാറിൻ്റെ മകനെതിരെ നേരത്തേയും സാമ്പത്തിക ആരോപണം ഉയർന്നിട്ടുണ്ട്. സംഭവത്തിൽ പ്രതികളെ വിശദമായി ചോദ്യം ചെയ്‌തുവരികയാണ്.

### Related Links & Sources
- [Original Story Source](https://piravom.truevisionnews.com/news/327635/extreme-cruelty-conflict-between-friends-youth-stabbed-to-death)