---
title: "കളനാശിനി കഴിച്ച് ആശുപത്രിയിലെത്തി , ശ്വാസകോശം മാറ്റിവയ്ക്കൽ ശസ്ത്രക്രിയയ്ക്ക് വിധേയായ യുവതി ചികിത്സയിലിരിക്കെ മരിച്ചു"
english_title: "Woman admitted to hospital after consuming herbicide dies during lung transplant surgery."
publisher: "piravomnews.in"
canonical_url: "https://piravom.truevisionnews.com/news/326805/woman-admitted-to-hospital-after-consuming-herbicide-dies-during-lung-transplant-surgery"
published_at: "2025-11-19T22:10:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/691df33f86a07_1000399306.png"
keywords: []
---

# കളനാശിനി കഴിച്ച് ആശുപത്രിയിലെത്തി , ശ്വാസകോശം മാറ്റിവയ്ക്കൽ ശസ്ത്രക്രിയയ്ക്ക് വിധേയായ യുവതി ചികിത്സയിലിരിക്കെ മരിച്ചു

> **Lead Summary:** കോട്ടയം: കോട്ടയം മെഡിക്കൽ കോളജിൽ ശ്വാസകോശം മാറ്റിവയ്ക്കൽ ശസ്ത്രക്രിയയ്ക്ക് വിധേയായി ചികിത്സയിലായിരുന്ന യുവതി മരിച്ചു. എരുമേലി ഇരുമ്പൂന്നിക്കര പാറപ്പള്ളിയിൽ ദിലീപിൻറെ മകൾ പി.ഡി ദിവ്യമോൾ ആണ് മരിച്ചത്.

## Article Content

കോട്ടയം: കോട്ടയം മെഡിക്കൽ കോളജിൽ ശ്വാസകോശം മാറ്റിവയ്ക്കൽ ശസ്ത്രക്രിയയ്ക്ക് വിധേയായി ചികിത്സയിലായിരുന്ന യുവതി മരിച്ചു. എരുമേലി ഇരുമ്പൂന്നിക്കര പാറപ്പള്ളിയിൽ ദിലീപിൻറെ മകൾ പി.ഡി ദിവ്യമോൾ ആണ് മരിച്ചത്.

കഴിഞ്ഞ മാസം 22 നായിരുന്നു ശസ്ത്രക്രിയ. കളനാശിനി കഴിച്ചതിനെ തുടർന്ന് രണ്ട് മാസം മുമ്പാണ് ആശുപത്രിയിൽ പ്രവേശിപ്പിച്ചത്. പാലായിലെ സ്വകാര്യ ആശുപത്രിയിൽ ചികിത്സയിലായിരുന്ന ദിവ്യയുടെ നില ഗുരുതരമായതോടെയാണ് മെഡിക്കൽ കോളേജിലേക്ക് മാറ്റിയത്. വെൻറി ലേറ്ററിൻറെ സഹായത്തോടെയായിരുന്നു ജീവൻ നിലനിർത്തിയിരുന്നത്.

മസ്തിഷ്‌ക മരണം സംഭവിച്ച പൂജപ്പുര സെൻട്രൽ പ്രിസൺ ആൻഡ് കറക്ഷണൽ ഹോമിലെ ഡെപ്യൂട്ടി പ്രിസൺ ഓഫീസർ എ.ആർ അനീഷിൻറെ ശ്വാസകോശമാണ് ദിവ്യയ്ക്ക് തുന്നിച്ചേർത്തത്. മാതാവ്: ഇന്ദു. സഹോദരൻ:ദിലു. ഭർത്താവ്: അശോകൻ.

### Related Links & Sources
- [Original Story Source](https://piravom.truevisionnews.com/news/326805/woman-admitted-to-hospital-after-consuming-herbicide-dies-during-lung-transplant-surgery)