---
title: "പിക്കപ് വാനിന് മുകലിലേക്ക് ഗർഡർ വീണ് അപകടം; വാൻ ഡ്രൈവർക്ക് ദാരുണാന്ത്യം"
english_title: "Pickup van crashes into girder; van driver dies tragically."
publisher: "piravomnews.in"
canonical_url: "https://piravom.truevisionnews.com/news/325727/pickup-van-crashes-into-girder-van-driver-dies-tragically"
published_at: "2025-11-13T12:08:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/69157d7d4b418_1000391410.png"
keywords: []
---

# പിക്കപ് വാനിന് മുകലിലേക്ക് ഗർഡർ വീണ് അപകടം; വാൻ ഡ്രൈവർക്ക് ദാരുണാന്ത്യം

> **Lead Summary:** ആലപ്പുഴ : അരൂരിൽ പിക്കപ് വാനിന് മുകലിലേക്ക് ഗർഡർ വീണ് അപകടം . വാൻ ഡ്രൈവർ മരിച്ചു.

## Article Content

ആലപ്പുഴ : അരൂരിൽ പിക്കപ് വാനിന് മുകലിലേക്ക് ഗർഡർ വീണ് അപകടം . വാൻ ഡ്രൈവർ മരിച്ചു.

ആലപ്പുഴ ഹരിപ്പാട് സ്വദേശി രാജേഷ് ആണ് മരിച്ചത്. പുലർച്ചെ രണ്ടരയോടെയാണ് അപകടം ഉണ്ടായത്.

പിക്കപ് വാൻ ഗർഡറിന് അടിയിലാണ്. മുട്ട കൊണ്ടു പോകുന്ന പിക്കപ് വാൻ ആയിരുന്നു. രണ്ട് ഗർഡറുകളാണ് വീണത്. ഒന്ന് പൂർണമായും മറ്റൊന്ന് ഭാഗികമായുമാണ് പതിച്ചത്. ഗർഡറുകൾ സ്ഥാപിക്കുന്നതിനിടെയാണ് അപകടം ഉണ്ടായത്.

സംഭവത്തിൽ അരൂർ തുറവൂർ ഉയരപ്പാത മേഖലയിൽ ഗതാഗത നിയന്ത്രണം ഏർപ്പെടുത്തി. ഗർഡർ അപകടത്തെ തുടർന്നാണ് ദേശീയപാതയിൽ നിയന്ത്രണം ഏർപ്പെടുത്തിയത്‌. ആലപ്പുഴ ഭാഗത്ത് നിന്ന് എറണാകുളം ഭാഗത്തേക്ക് വാഹനങ്ങൾ കടത്തി വിടുന്നില്ല.

വാഹനങ്ങൾ വഴി തിരിച്ചുവിടുകയാണ് ചെയ്യുന്നത്. ചേർത്തല എക്‌സറെ ജംഗ്ഷനിൽ നിന്ന് പൂച്ചാക്കൽ വഴിയാണ് വാഹനങ്ങൾ തിരിച്ചുവിടുന്നത്. ആലപ്പുഴ ഭാഗത്തേക്ക് അരൂക്കുറ്റി വഴി തിരിഞ്ഞുപോകണം.

### Related Links & Sources
- [Original Story Source](https://piravom.truevisionnews.com/news/325727/pickup-van-crashes-into-girder-van-driver-dies-tragically)