---
title: "സ്കൂട്ടറിൽ ടോറസ് ലോറി ഇടിച്ചു കയറി അപകടം ;  പിൻചക്രങ്ങൾ ദേഹത്തുകൂടി കയറിയിറങ്ങി യുവാവിന് ദാരുണാന്ത്യം"
english_title: "Taurus lorry hits scooter in accident; young man dies tragically after rear wheels run over him"
publisher: "piravomnews.in"
canonical_url: "https://piravom.truevisionnews.com/news/324995/taurus-lorry-hits-scooter-in-accident-young-man-dies-tragically-after-rear-wheels-run-over-him"
published_at: "2025-11-08T15:13:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/690f11744e9b0_ACCIDENT.jpg"
keywords: []
---

# സ്കൂട്ടറിൽ ടോറസ് ലോറി ഇടിച്ചു കയറി അപകടം ;  പിൻചക്രങ്ങൾ ദേഹത്തുകൂടി കയറിയിറങ്ങി യുവാവിന് ദാരുണാന്ത്യം

> **Lead Summary:** ചേർത്തല: സ്കൂട്ടറിൽ ടോറസ് ലോറി ഇടിച്ചു കയറി അപകടം. സ്കൂട്ടർ യാത്രക്കാരൻ മരിച്ചു . തുറവൂർ പഞ്ചായത്ത് ഒന്നാം വാർഡ് പള്ളിത്തോട് പുന്നയ്ക്കൽ ബെൻസൺ ജോസഫിന്റെ മകൻ അമൽ പി ബെൻ ആണ് മരിച്ചത്.

## Article Content

ചേർത്തല: സ്കൂട്ടറിൽ ടോറസ് ലോറി ഇടിച്ചു കയറി അപകടം. സ്കൂട്ടർ യാത്രക്കാരൻ മരിച്ചു . തുറവൂർ പഞ്ചായത്ത് ഒന്നാം വാർഡ് പള്ളിത്തോട് പുന്നയ്ക്കൽ ബെൻസൺ ജോസഫിന്റെ മകൻ അമൽ പി ബെൻ ആണ് മരിച്ചത്.

ചേർത്തല ഇസാഫ് ബാങ്കിലെ മാനേജരാണ് അമൽ. കഞ്ഞിക്കുഴി ഭാഗത്തുനിന്നും ചേർത്തല ഭാഗത്തേക്ക് വരുന്നതിനിടെ കെവിഎം ആശുപത്രിക്ക് സമീപമാണ് അപകടമുണ്ടായത്.

റോഡിന്റെ വശങ്ങളിലൂടെ കടന്നുപോവുകയായിരുന്ന അമലിന്റെ സ്കൂട്ടർ റോഡിന്റെ വശങ്ങളിൽ കയറി ടോറസ് ലോറിയുടെ അടിയിൽപ്പെടുകയായിരുന്നുവെന്ന് ചേർത്തല പൊലീസ് പറഞ്ഞു. ലോറിയുടെ പിൻചക്രങ്ങൾ അമലിന്റെ ദേഹത്തുകൂടി കയറിയിറങ്ങി. ഉടൻതന്നെ പൊലീസ് സ്ഥലത്തെത്തി കേസെടുത്തു. പരേതയായ മാഗി ബെൻസൺ ആണ് മാതാവ്. ഭാര്യ: അലീന അലോഷ്യസ് (രാജഗിരി പബ്ലിക് സ്കൂൾ). മകൾ: അമിയ മരിയ.

### Related Links & Sources
- [Original Story Source](https://piravom.truevisionnews.com/news/324995/taurus-lorry-hits-scooter-in-accident-young-man-dies-tragically-after-rear-wheels-run-over-him)