---
title: "മകളുടെ ഫോണിലൂടെ ആണ്‍സുഹൃത്തുമായി ചാറ്റ് ചെയ്ത് പിതാവ് ; വീട്ടിൽ നിന്നും വിളിച്ചു വരുത്തി മർദ്ദിച്ചതായി പരാതി"
english_title: "Father allegedly called daughter from home and beat her up after chatting with her boyfriend on her phone"
publisher: "piravomnews.in"
canonical_url: "https://piravom.truevisionnews.com/news/319368/father-allegedly-called-daughter-from-home-and-beat-her-up-after-chatting-with-her-boyfriend-on-her-phone"
published_at: "2025-10-08T11:26:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/68e5fe16066f5_death.jpg"
keywords: []
---

# മകളുടെ ഫോണിലൂടെ ആണ്‍സുഹൃത്തുമായി ചാറ്റ് ചെയ്ത് പിതാവ് ; വീട്ടിൽ നിന്നും വിളിച്ചു വരുത്തി മർദ്ദിച്ചതായി പരാതി

> **Lead Summary:** കോതമംഗലം: എറണാകുളം കോതമംഗലത്ത് മകളുടെ ആൺസുഹൃത്തിനെ വിളിച്ചു വരുത്തി പിതാവും സുഹൃത്തുക്കളും ചേർന്ന് മർദ്ദിച്ചതായി പരാതി.

## Article Content

കോതമംഗലം: എറണാകുളം കോതമംഗലത്ത് മകളുടെ ആൺസുഹൃത്തിനെ വിളിച്ചു വരുത്തി പിതാവും സുഹൃത്തുക്കളും ചേർന്ന് മർദ്ദിച്ചതായി പരാതി.

മകളുടെ ഫോണിലൂടെ ചാറ്റ് ചെയ്താണ് 17 കാരനായ ആൺസുഹൃത്തിനെ രാത്രിയിൽ വീട്ടിൽനിന്നും പുറത്തേക്ക് വിളിച്ചിറക്കിയത്. പിന്നാലെ കാറിൽ കയറ്റി കൊണ്ടുപോയ കുട്ടിയെ വാടക വീട്ടിൽ എത്തിച്ച് ക്രൂരമായി മർദിക്കുകയായിരുന്നു.

വടികൊണ്ട് തല്ലിയെന്നും നിലത്തിട്ട് ചവിട്ടിയെന്നും കുട്ടി പൊലീസിന് മൊഴിനൽകി. പരിക്കേറ്റ വിദ്യാർത്ഥി ആശുപത്രിയിൽ ചികിത്സയിലാണ്. കോതമംഗലം പൊലീസ് കേസെടുത്ത് അന്വേഷണം ആരംഭിച്ചു. പെൺസുഹൃത്തിന്റെ പിതാവിനെയും മൂന്ന് സുഹൃത്തുക്കളെയും പൊലീസ് അറസ്റ്റ് ചെയ്തു. പ്രതികളെ ഇന്ന് കോടതിയിൽ ഹാജരാക്കും.

### Related Links & Sources
- [Original Story Source](https://piravom.truevisionnews.com/news/319368/father-allegedly-called-daughter-from-home-and-beat-her-up-after-chatting-with-her-boyfriend-on-her-phone)