---
title: "എറണാകുളത്ത് വൈദ്യപരിശോധനയ്ക്ക് എത്തിക്കുന്നതിനിടെ പോലീസിനെ വെട്ടിച്ച് ചാടിപ്പോയ പ്രതി പിടിയിൽ"
english_title: "Suspect arrested for fleeing police while being taken for medical examination in Ernakulam"
publisher: "piravomnews.in"
canonical_url: "https://piravom.truevisionnews.com/news/310496/suspect-arrested-for-fleeing-police-while-being-taken-for-medical-examination-in-ernakulam"
published_at: "2025-08-23T20:09:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/68a9d4bc8a482_Untitled-1.jpg"
keywords: []
---

# എറണാകുളത്ത് വൈദ്യപരിശോധനയ്ക്ക് എത്തിക്കുന്നതിനിടെ പോലീസിനെ വെട്ടിച്ച് ചാടിപ്പോയ പ്രതി പിടിയിൽ

> **Lead Summary:** എറണാകുളം: എറണാകുളത്ത് വൈദ്യപരിശോധനയ്ക്ക് എത്തിക്കുന്നതിനിടെ പോലീസിനെ വെട്ടിച്ച് ചാടിപ്പോയ പ്രതി പിടിയിൽ. മോഷണക്കേസ് പ്രതി അസദുള്ളയാണ് പിടിയിലായത്.

## Article Content

എറണാകുളം: എറണാകുളത്ത് വൈദ്യപരിശോധനയ്ക്ക് എത്തിക്കുന്നതിനിടെ പോലീസിനെ വെട്ടിച്ച് ചാടിപ്പോയ പ്രതി പിടിയിൽ. മോഷണക്കേസ് പ്രതി അസദുള്ളയാണ് പിടിയിലായത്.

തൃക്കാക്കര സ്റ്റേഷനിൽ നിന്നും കളമശ്ശേരി മെഡിക്കൽ കോളജിൽ വൈദ്യപരിശോധനയ്ക്ക് എത്തിക്കുന്നതിനിടെയാണ് പ്രതി ചാടിപ്പോയത്. പ്രതി ചാടിപോകുന്ന സിസിടിവി ദൃശ്യങ്ങളും പുറത്തുവന്നു. നിരവധി മോഷണ കേസുകളിലെ പ്രതിയാണ് അസദുള്ള. മെട്രോയുടെ നിർമാണം നടക്കുന്ന സ്ഥലത്ത് നിന്ന് മോഷണം നടന്നതുമായി ബന്ധപ്പെട്ടാണ് ഇയാളെ പൊലീസ് അറസ്റ്റ് ചെയ്തിരുന്നത്.

വൈദ്യ സഹായം ആവശ്യമുണ്ടന്നതിനെ തുടർന്ന് കോടതി നിർദേശം പ്രകാരം കളമശ്ശേരി മെഡിക്കൽ കോളജിൽ ചികിത്സയിലായിരുന്നു. ഇന്ന് എംആർഐ സ്‌കാൻ എടുക്കുന്നതിനായി എത്തിച്ചതിനിടെയാണ് പ്രതി രക്ഷപ്പെട്ടത്. പ്രതിക്കായി പോലീസ് വ്യാപക തിരച്ചിൽ നടത്തിയിരുന്നു. ഇതിനിടെയാണ് പ്രതിപൊലീസിന്റെ പിടിയിലായത്.

### Related Links & Sources
- [Original Story Source](https://piravom.truevisionnews.com/news/310496/suspect-arrested-for-fleeing-police-while-being-taken-for-medical-examination-in-ernakulam)