---
title: "മകളെ വിവാഹം ചെയ്ത് നൽകാത്തതിൻ്റെ പ്രതികാരം , വീട് കയറി ആക്രമണം നടത്തി ;  പ്രതികൾ പിടിയിൽ"
english_title: "In revenge for not marrying off his daughter, he entered the house and attacked her; the accused were arrested"
publisher: "piravomnews.in"
canonical_url: "https://piravom.truevisionnews.com/news/310100/in-revenge-for-not-marrying-off-his-daughter-he-entered-the-house-and-attacked-her-the-accused-were-arrested"
published_at: "2025-08-21T19:52:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/68a72bffbaade_arrest.jpg"
keywords: []
---

# മകളെ വിവാഹം ചെയ്ത് നൽകാത്തതിൻ്റെ പ്രതികാരം , വീട് കയറി ആക്രമണം നടത്തി ;  പ്രതികൾ പിടിയിൽ

> **Lead Summary:** പാലക്കാട്: ഒറ്റപ്പാലം പാവുക്കോണത്ത് വീട് കയറി ആക്രമണം നടത്തിയ മൂന്ന് പ്രതികൾ പിടിയിൽ. തൃക്കടീരി സ്വദേശികളായ മുഹമ്മദ് ഫാസിൽ, മുഹമ്മദ് ഫവാസ്, മുഹമ്മദ് സാദിഖ് എന്നിവരാണ് അറസ്റ്റിലായത്.

## Article Content

പാലക്കാട്: ഒറ്റപ്പാലം പാവുക്കോണത്ത് വീട് കയറി ആക്രമണം നടത്തിയ മൂന്ന് പ്രതികൾ പിടിയിൽ. തൃക്കടീരി സ്വദേശികളായ മുഹമ്മദ് ഫാസിൽ, മുഹമ്മദ് ഫവാസ്, മുഹമ്മദ് സാദിഖ് എന്നിവരാണ് അറസ്റ്റിലായത്.

മകളെ വിവാഹം ചെയ്ത് നൽകാത്തതിൻ്റെ പ്രതികാരത്തിലാണ് ആക്രമണം നടത്തിയത്. കഴിഞ്ഞ ദിവസം രാത്രി എട്ട് മണിയോടെയാണ് സംഭവം. മകളെ വിവാഹം ചെയ്തു നൽകാത്തതിലുള്ള പ്രതികാര നടപടിയായി പെൺകുട്ടിയുടെ വീട്ടിലും അടുത്ത ബന്ധുവിന്റെ വീട്ടിലും കയറി അക്രമണം നടത്തിയെന്ന കേസിലാണ് മൂന്ന് പേരെ ഒറ്റപ്പാലം പൊലീസ് അറസ്റ്റ് ചെയ്തത്.

വീടുകളിൽ ഉണ്ടായിരുന്ന സ്ത്രീകളെയും കുട്ടികളെയും കമ്പി വടിയും സൈക്കിൾ ചെയിനും ഉപയോഗിച്ച് ആക്രമിക്കാൻ ശ്രമിക്കുകയും ബന്ധുവിനെ തടഞ്ഞുനിർത്തി കൊല്ലുമെന്ന് ഭീഷണിപ്പെടുത്തുകയും നിർത്തിയിട്ടിരുന്ന വാഹനവും ജനാലകളും അടിച്ച് തകർത്ത് നാശനഷ്ടം വരുത്തിയെന്നുമാണ് പ്രതികൾക്കെതിരായ കേസ്.

### Related Links & Sources
- [Original Story Source](https://piravom.truevisionnews.com/news/310100/in-revenge-for-not-marrying-off-his-daughter-he-entered-the-house-and-attacked-her-the-accused-were-arrested)