---
title: "'അമ്മയ്ക്ക് പിന്നാലെ മകളും പോയി ; പ്രവിത്താനത്ത് കാർ സ്കൂട്ടറിലിടിച്ച അപകടത്തിൽ ചികിത്സയിലായിരുന്ന പന്ത്രണ്ട് വയസുകാരിയും മരിച്ചു"
english_title: "'Daughter also died after mother died; 12-year-old girl who was undergoing treatment after car hit scooter in Pravithanam dies"
publisher: "piravomnews.in"
canonical_url: "https://piravom.truevisionnews.com/news/307319/daughter-also-died-after-mother-died-12-year-old-girl-who-was-undergoing-treatment-after-car-hit-scooter-in-pravithanam-dies"
published_at: "2025-08-08T19:59:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/68960a5945855_daeth5.jpg"
keywords: []
---

# 'അമ്മയ്ക്ക് പിന്നാലെ മകളും പോയി ; പ്രവിത്താനത്ത് കാർ സ്കൂട്ടറിലിടിച്ച അപകടത്തിൽ ചികിത്സയിലായിരുന്ന പന്ത്രണ്ട് വയസുകാരിയും മരിച്ചു

> **Lead Summary:** കോട്ടയം: കോട്ടയം പ്രവിത്താനത്തെ വാഹനപകടത്തിൽ പരിക്കേറ്റ് ചികിത്സയിൽ കഴിഞ്ഞിരുന്ന പന്ത്രണ്ടുവയസുകാരി മരിച്ചു.

## Article Content

കോട്ടയം: കോട്ടയം പ്രവിത്താനത്തെ വാഹനപകടത്തിൽ പരിക്കേറ്റ് ചികിത്സയിൽ കഴിഞ്ഞിരുന്ന പന്ത്രണ്ടുവയസുകാരി മരിച്ചു.

അന്തിനാട് സ്വദേശി സുനിലിന്റെ മകൾ അന്നമോൾ സുനിൽ ആണ് മരിച്ചത്. അന്നമോൾ അമ്മ ജോമോൾക്കൊപ്പം സ്കൂട്ടറിൽ സഞ്ചരിച്ചപ്പോൾ അമിതവേഗത്തിൽ എത്തിയ കാർ ഇടിക്കുകയായിരുന്നു. സംഭവസ്ഥലത്ത് വെച്ച് തന്നെ ജോമോൾ മരിച്ചു. ഇതോടെ അപകടത്തിൽ മരിച്ചവരുടെ എണ്ണം മൂന്ന് ആയി.

അമിതവേ​ഗത്തിലെത്തിയ കാർ രണ്ട് സ്കൂട്ടറുകൾ ഇടിച്ചു തെറിപ്പിക്കുകയായിരുന്നു. ഒരു സ്കൂട്ടറിലുണ്ടായിരുന്നത് മേലുകാവ് സ്വദേശിയായ ധന്യ സന്തോഷാണ്. മറ്റൊരു സ്കൂട്ടറിൽ തിടനാട് സ്വദേശിയായ ജോമോൾ ബെന്നിയും 12 വയസുള്ള മകളുമായിരുന്നു ഉണ്ടായിരുന്നത്. ഇടിയുടെ ആഘാതത്തിൽ തെറിച്ച് ഇവർ റോഡിലേക്ക് വീഴുകയായിരുന്നു.

നാട്ടുകാർ ഇവരെ ഉടനടി പാലായിലെ സ്വകാര്യ ആശുപത്രിയിൽ എത്തിച്ചെങ്കിലും ധന്യയുടെയും ജോമോളുടെയും ജീവൻ രക്ഷിക്കാനായില്ല. രണ്ട് പേർക്കും തലയ്ക്ക് ​ഗുരുതരമായി പരിക്കേറ്റിരുന്നു. പ്രാഥമിക ചികിത്സ നൽകിയെങ്കിലും അത് ഫലവത്തായില്ല. 12 വയസുള്ള അന്ന മോൾ ​ഗുരുതര പരിക്കുകളോടെ പാലായിലെ സ്വകാര്യ ആശുപത്രിയിൽ ചികിത്സയിൽ തുടരവേ ആണ് മരണം സംഭവിച്ചത്.

### Related Links & Sources
- [Original Story Source](https://piravom.truevisionnews.com/news/307319/daughter-also-died-after-mother-died-12-year-old-girl-who-was-undergoing-treatment-after-car-hit-scooter-in-pravithanam-dies)