---
title: "നിയന്ത്രണം വിട്ട പിക്കപ്പ് വാൻ ബസ് കാത്തു നിന്നവരിലേക്ക് ഇടിച്ചു കയറി ; രണ്ട് സ്ത്രീകൾക്ക് ദാരുണാന്ത്യം"
english_title: "Out of control, pickup van crashes into people waiting for bus; two women die tragically"
publisher: "piravomnews.in"
canonical_url: "https://piravom.truevisionnews.com/news/306992/out-of-control-pickup-van-crashes-into-people-waiting-for-bus-two-women-die-tragically"
published_at: "2025-08-07T11:15:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/68943e0159083_accident1.jpg"
keywords: []
---

# നിയന്ത്രണം വിട്ട പിക്കപ്പ് വാൻ ബസ് കാത്തു നിന്നവരിലേക്ക് ഇടിച്ചു കയറി ; രണ്ട് സ്ത്രീകൾക്ക് ദാരുണാന്ത്യം

> **Lead Summary:** കൊല്ലം: കൊല്ലം കൊട്ടാരക്കര പനവേലിയിൽ പിക്കപ്പ് വാൻ ഇടിച്ച് അപകടം. നിയന്ത്രണം വിട്ട പിക്കപ്പ് വാൻ ബസ് കാത്തു നിന്ന യുവതികളെയും ഓട്ടോറിക്ഷയെയും ഇടിച്ചു തെറിപ്പിക്കുകയായിരുന്നു.

## Article Content

കൊല്ലം: കൊല്ലം കൊട്ടാരക്കര പനവേലിയിൽ പിക്കപ്പ് വാൻ ഇടിച്ച് അപകടം. നിയന്ത്രണം വിട്ട പിക്കപ്പ് വാൻ ബസ് കാത്തു നിന്ന യുവതികളെയും ഓട്ടോറിക്ഷയെയും ഇടിച്ചു തെറിപ്പിക്കുകയായിരുന്നു.

അപകടത്തിൽ രണ്ട് സ്ത്രീകൾക്ക് ദാരുണാന്ത്യം. പനവേലി സ്വദേശിനി സോണിയ (42), 23കാരിയായ ശ്രീക്കുട്ടി എന്നിവരാണ് മരിച്ചത്. ഓട്ടോയിലുണ്ടായിരുന്ന വിജയൻ എന്നയാൾക്ക് പരിക്കേറ്റിട്ടുണ്ട്. ഇന്ന് രാവിലെ ആറരയ്ക്ക് ശേഷമാണ് അപകടം നടന്നത്.

മരിച്ച സോണിയ പനവേലി സ്വദേശിനിയാണ്. നഴ്സായ സോണിയ ആശുപത്രിയിലേക്ക് പോകാൻ ബസ് കാത്തുനിൽക്കുകയായിരുന്നു. വാനിന്റെ ഡ്രൈവർ ഉറങ്ങിപ്പോയതാണോ അപകട കാരണമെന്ന് സംശയം ഉയരുന്നുണ്ട്. അപകടത്തിന് ശേഷം വാൻ ഡ്രൈവർ രക്ഷപ്പെടാൻ ശ്രമം നടത്തിയിരുന്നു. പൊലീസ് ഇയാളെ കസ്റ്റഡിയിലെടുത്തിട്ടുണ്ട്. യുവതികളെ ഇടിച്ചതിന് ശേഷം മുന്നോട്ട് പോയതിന് ശേഷമാണ് വാൻ ഓട്ടോയിലിടിച്ചത്.

### Related Links & Sources
- [Original Story Source](https://piravom.truevisionnews.com/news/306992/out-of-control-pickup-van-crashes-into-people-waiting-for-bus-two-women-die-tragically)