---
title: "സ്‌കൂളില്‍നിന്ന് മക്കളെ വീട്ടിലേക്ക് കൂട്ടിക്കൊണ്ട് വരുന്ന വഴി ; സ്‌കൂട്ടര്‍ നിയന്ത്രണം വിട്ട് മറിഞ്ഞ് യുവാവിന് ദാരുണാന്ത്യം"
english_title: "On the way home from school, a young man lost control of his scooter and overturned, resulting in a tragic end."
publisher: "piravomnews.in"
canonical_url: "https://piravom.truevisionnews.com/news/306567/on-the-way-home-from-school-a-young-man-lost-control-of-his-scooter-and-overturned-resulting-in-a-tragic-end"
published_at: "2025-08-05T11:05:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/689198779c114_accidentdeath.jpg"
keywords: []
---

# സ്‌കൂളില്‍നിന്ന് മക്കളെ വീട്ടിലേക്ക് കൂട്ടിക്കൊണ്ട് വരുന്ന വഴി ; സ്‌കൂട്ടര്‍ നിയന്ത്രണം വിട്ട് മറിഞ്ഞ് യുവാവിന് ദാരുണാന്ത്യം

> **Lead Summary:** കുമളി: കുമളിയിൽ സ്‌കൂട്ടര്‍ നിയന്ത്രണം വിട്ട് മറിഞ്ഞ് യുവാവിന് ദാരുണാന്ത്യം. ചെങ്കര ശങ്കരഗിരി കപ്പയില്‍ അരുണ്‍ ആണ് മരിച്ചത്.

## Article Content

കുമളി: കുമളിയിൽ സ്‌കൂട്ടര്‍ നിയന്ത്രണം വിട്ട് മറിഞ്ഞ് യുവാവിന് ദാരുണാന്ത്യം. ചെങ്കര ശങ്കരഗിരി കപ്പയില്‍ അരുണ്‍ ആണ് മരിച്ചത്.

തിങ്കളാഴ്ച വൈകീട്ട് സ്‌കൂളില്‍നിന്ന് മക്കളെ വീട്ടിലേക്ക് കൂട്ടിക്കൊണ്ട് വരുന്ന വഴിയായിരുന്നു അപകടം.അപകടത്തിൽ രണ്ട് മക്കള്‍ക്ക് പരിക്കേറ്റു. നന്ദു, ഗൗരി എന്നിവരെ പരിക്കുകളോടെ കട്ടപ്പനയിലെ സ്വകാര്യ ആശുപത്രിയില്‍ പ്രവേശിപ്പിച്ചു.

പുല്ലുമേട്-ചെങ്കര റോഡില്‍ വലിയ ഇറക്കവും കൊടുംവളവുമുള്ള ഭാഗത്ത് സ്‌കൂട്ടര്‍ നിയന്ത്രണംവിട്ട് സമീപത്തെ തേയിലത്തോട്ടത്തിലേക്ക് പതിക്കുകയായിരുന്നു.

അരുണ്‍ സംഭവസ്ഥലത്തുതന്നെ മരിച്ചു. അരുണിന്റെ ഭാര്യ പ്രന്‍സി കഴിഞ്ഞ ദിവസമാണ് അവധി കഴിഞ്ഞ് ദുബായിലെ ജോലിസ്ഥലത്തേക്ക് മടങ്ങിയത്. നന്ദുവും ഗൗരിയും മേരികുളം സെയ്ന്റ് മേരീസ് ഹയര്‍ സെക്കന്‍ഡറി സ്‌കൂളിലെ വിദ്യാര്‍ഥികളാണ്.

### Related Links & Sources
- [Original Story Source](https://piravom.truevisionnews.com/news/306567/on-the-way-home-from-school-a-young-man-lost-control-of-his-scooter-and-overturned-resulting-in-a-tragic-end)