പിറവം.... മിഷേൽ ഷാജിയുടെ ദുരൂഹ മരണം സംബന്ധിച്ച കേസിന്റെ അന്വേഷണം സി.ബി.ഐ.ക്ക് വിടണമെന്നാവശ്യപ്പെട്ട് ഉപവസിച്ച് കുടുംബാന്ഗങ്ങൾ.സി ഐ വിദ്യാർഥിനി ആയിരിക്കെ കൊച്ചിയിൽ ദുരൂഹ സാഹചര്യത്തിൽ മിഷേലിനെ കൊച്ചിക്കായലിൽ മരിച്ചനിലയിൽ കണ്ടെത്തുക ആയിരുന്നു.
മാതാപിതാക്കളും അടുത്ത ബന്ധുക്കളും കല്ലറയ്ക്കു മുന്നിൽ ഉപവസിച്ചു. മിഷേലിനെ അടക്കം ചെയ്ത മുളക്കുളം കർമേൽക്കുന്ന് സെയ്ന്റ് ജോർജ് പള്ളിയിൽ രാവിലെ ആരംഭിച്ച ഉപവാസം ജില്ലാ പഞ്ചായത്ത് സ്ഥിരം സമിതി അധ്യക്ഷ ആശ സനിൽ ഉദ്ഘാടനം ചെയ്തു.
വികാരി ഫാ. റോബിൻ മർക്കോസ് അധ്യക്ഷനായി. അനൂപ് ജേക്കബ് എം.എൽ.എ., വി. ചന്ദ്രാജി, ഫാ. ടി.പി. കുര്യൻ, ഫാ. വിജു ഏലിയാസ്, ഫാ. ജോർജ് എർണ്യാകുളം, ഫാ. യാക്കോബ് തോമസ്, ഡി.സി.സി. സെക്രട്ടറി കെ.ആർ. പ്രദീപ്കുമാർ, എടയ്ക്കാട്ടുവയൽ ഗ്രാമപ്പഞ്ചായത്ത് പ്രസിഡന്റ് കെ.ആർ. ജയകുമാർ, ഇലഞ്ഞി ഗ്രാമപ്പഞ്ചായത്ത് വൈസ് പ്രസിഡന്റ് എം.പി. ജോസഫ്, സഹകരണ ബാങ്ക് പ്രസിഡന്റ് അഡ്വ. സക്കറിയ വർഗീസ്, നഗരസഭാംഗങ്ങളായ തോമസ് മല്ലിപ്പുറം, മോളി വലിയകട്ടയിൽ തുടങ്ങിയവർ പങ്കെടുത്തു
Family members go on fast demanding CBI probe into Michelle Shaji's mysterious death