മുളന്തുരുത്തി.... സയൻറിയ ശാസ്ത്രോത്സവത്തിൻ്റെ ഭാഗമായി പുളിക്കമാലി ഗവ.ഹൈസ്കൂളിൽ കൊറോണ കോർണറും അതിജീവനത്തിൻ്റെ നാൾവഴികൾ ക്ലാസ്സും സംഘടിപ്പിച്ചു.
കോവിഡ് മഹാമാരി കാലത്ത് ലോകം കടന്ന് പോയ വഴികൾ ചിത്രങ്ങൾ വഴിയും, മാസ്ക്, കൈ കഴുകൽ കേന്ദ്രം, സാനിറ്റൈസർ, ഫേസ് ഷീൽഡ്,ഓക്സി മീറ്റർ മുതലായ വിവിധ ഉപകരങ്ങൾ ഒരുക്കിക്കൊണ്ട് കൊറോണ കോർണർ ഒരുക്കി. ജെ.ആർ.സിയുടെ നേതൃത്വത്തിൽ സംഘടിപ്പിച്ച പരിപാടി ഡോ.രേഷ്മ സജി ഉദ്ഘാടനം ചെയ്തു,
തുടർന്ന് അതിജീവനത്തിൻ്റെ നാൾ എന്ന ക്ലാസ്സിനും നേതൃത്വം നൽകി. പി ടി എ പ്രസിഡൻ്റ് സുരേഷ് എ എ അദ്ധ്യക്ഷത വഹിച്ച യോഗത്തിൽ സീനിയർ അസിസ്റ്റൻ്റ് ജലജ കെ എസ് സ്വാഗതം പറഞ്ഞു.സ്റ്റാഫ് സെക്രട്ടറി മോഹനൻ പി ടി, ജെ ആർ സി കോർഡിനേറ്റർ ജോളി സി എ, ശാസ്ത്ര ക്ലബ്ബ് കോർഡിനേറ്റർ ശൈലജ പി എന്നിവർ സംസാരിച്ചു.ശരീരം കോവിഡിനെ പ്രതിരോധിക്കുന്നത് എങ്ങനെയെന്ന് കാന്തം ഉപയോഗിച്ചുള്ള ലഘു പരീക്ഷണത്തിലൂടെ ഏഴാം ക്ലാസ്സ് വിദ്യാർത്ഥി അയന വി എം അവതരിപ്പിച്ചു
Corona Corner and Survival History Class at Pulikamali Govt. High School
