.png)
കൂത്താട്ടുകുളം : (piravomnews.in) കൂത്താട്ടുകുളം ടൗണിൽ നടുറോഡിൽ കിടന്ന് മൊബൈലിൽ വീഡിയോ കാണുകയും അക്രമസ്വഭാവം പ്രകടിപ്പിക്കുകയും ചെയ്ത യുവാവിനെ പൊലീസ് പിടികൂടി.
ആരക്കുഴ ചേർക്കോട്ട് ടോണി തോമസിനെ (30)യാണ് കൂത്താട്ടുകുളളം പൊലീസ് കസ്റ്റഡിയിൽ എടുത്തത്. ബുധൻ പകൽ 11നാണ് സംഭവം. എംസി റോഡിൽ കൂത്താട്ടുകുളം ടൗണിൽ എച്ച്പി പമ്പിനുസമീപമായിരുന്നു പരാക്രമം.
കടന്നുപോകുന്ന വാഹനങ്ങൾ തടഞ്ഞുനിർത്തുകയും റോഡിൽ വാഹനത്തിനുമുന്നിൽ കിടന്നശേഷം മൊബൈൽ ഫോണിൽ വീഡിയോ കാണാൻ ആരംഭിക്കുകയും ചെയ്തതോടെ നാട്ടുകാർ പൊലീസിൽ അറിയിച്ചു.
പൊലീസ് എത്തി വാഹനത്തിൽ കയറാൻ പറഞ്ഞെങ്കിലും ഇയാൾ കൂട്ടാക്കിയില്ല. ഒടുവിൽ ബലംപ്രയോഗിച്ചാണ് വാഹനത്തിൽ കയറ്റിയത്. സ്റ്റേഷനിൽ എത്തിയിട്ടും അക്രമസ്വഭാവം തുടർന്നു. ലഹരിയിലാണെന്ന നിഗമനത്തിലാണ് പൊലിസ്. അരമണിക്കൂറോളം എംസി റോഡിൽ ഗതാഗത തടസ്സമുണ്ടായി.
Youth in custody after lying on the road in Koothattukulam town
