.png)
പെരുമ്പാവൂർ : (puiravomnews.in) കര്‍ഷകൻ നട്ട കടപ്ലാവില്‍ വിളഞ്ഞത് സാധാരണ ചക്ക. വെങ്ങോല ശാലേം പോക്കയിൽവീട്ടിൽ എൽദോസിന്റെ കൃഷിയിടത്തിലെ കടപ്ലാവിലാണ് വരിക്കയോട് സമാനമായ ചക്ക വിളഞ്ഞത്.
വെങ്ങോലയിലെ നഴ്സറിയിൽനിന്ന്‌ രണ്ടു വർഷംമുമ്പ് വാങ്ങിയതാണ് കടപ്ലാവ്. ഇലയും തടിയും എല്ലാം കടപ്ലാവുമായി സാദൃശ്യമുള്ളതാണ്. മൂന്നുമാസംമുമ്പാണ് കായ്ച്ചത്.
കായ്ച്ചത് വലിപ്പമുള്ള കടച്ചക്കയാണ്. ബഡ്ഡ് ചെയ്തതിന്റെ ഫലമാണ് ഇതെന്നാണ് കരുതിയത്.വെങ്ങോല പഞ്ചായത്ത് ഓഫീസിനുസമീപം എൽദോസിന്റെ കുടുംബം ഉൾപ്പെടെ നാലുപേർ ചേര്‍ന്ന് നടത്തുന്ന ഐശ്വര്യ കുടുംബശ്രീ ഹോട്ടലിലേക്ക് ഈ ചക്ക കറിവയ്ക്കാൻ കൊണ്ടുപോയിരുന്നു.
മുറിച്ചപ്പോഴാണ് ഇത് കടച്ചക്കയല്ല, സാധാരണ ചക്കയാണെന്ന് മനസ്സിലായത്. മരത്തിൽ ഇത്തരം 10 ചക്കകൾ കായ്ച്ചിട്ടുണ്ട്. ഒരേക്കർ കൃഷിയിടത്തിൽ വിവിധ ഇനത്തിലുള്ള ഫലവൃക്ഷങ്ങളും ജാതി, തെങ്ങ് എന്നിവയും എൽദോസ് കൃഷി ചെയ്യുന്നുണ്ട്.
The fruit that the farmer planted in the kadaplav tree was an ordinary jackfruit.
.jpg)
