.png)
കൊച്ചി : (piravomnews.in) വിഷരഹിത പച്ചക്കറികളും നിറയെ പൂക്കളുമായി ഇക്കുറി ഓണം ആഘോഷമാക്കാനുള്ള തയ്യാറെടുപ്പിലാണ്‌ കുടുംബശ്രീ. "ഓണക്കനി’ പദ്ധതിയിൽ പച്ചക്കറി കൃഷിക്കും ‘നിറപ്പൊലിമ’ പദ്ധതിയിൽ പൂക്കൃഷിക്കും ജില്ലയിൽ തുടക്കമായി.
കുടുംബശ്രീ ജില്ലാ മിഷൻ നേതൃത്വത്തിൽ ജില്ലയിലെ 82 പഞ്ചായത്തുകളിലും മുനിസിപ്പാലിറ്റികളിലുമായി 2400 ഏക്കറിൽ പച്ചക്കറി കൃഷിയും 250 ഏക്കറിൽ പൂക്കൃഷിയുമാണ്‌ നടത്തുന്നത്‌.സദ്യയൊരുക്കാൻ "ഓണക്കനി'സിഡിഎസുകളിൽ കുടുംബശ്രീയുടെ ജെഎൽജി ഗ്രൂപ്പുകളുടെ നേതൃത്വത്തിലാണ്‌ ഓണക്കനി പദ്ധതിയിൽ പച്ചക്കറി കൃഷി തുടങ്ങിയിട്ടുള്ളത്‌.
ജില്ലാ മിഷൻ നേതൃത്വത്തിൽ ഓരോ സിഡിഎസിലും പ്രവർത്തിക്കുന്ന എഫ്‌എഫ്‌സികൾ (ഫാർമേഴ്‌സ്‌ ഫെസിലിറ്റേഷൻ സെന്റർ) വഴി മിതമായ നിരക്കിൽ വിത്തുകൾ നൽകും. തക്കാളി, പയർ, പാവൽ, മത്തങ്ങ, ചീര, മുളക്, നേന്ത്രക്കായ തുടങ്ങിയവയാണ് കൃഷി ചെയ്യുന്നത്‌.
This Onam will be celebrated, and the fragrance of flowers will spread.
