.png)
വൈപ്പിൻ : (piravomnews.in) കുടുംബശ്രീ ജില്ലാ മിഷന്റെ നേതൃത്വത്തിലുള്ള ഓണക്കനി പദ്ധതി കുഴുപ്പിള്ളി 10–-ാം വാർഡിൽ പഞ്ചാ യത്ത്‌ പ്രസിഡന്റ്‌ കെ എസ് നിബിൻ തൈ നട്ട്‌ ഉദ്ഘാടനം ചെയ്തു.
സിഡിഎസ് ചെയർപേഴ്സൺ ലളിത രമേശൻ അധ്യക്ഷയായി. ഓണസദ്യക്ക്‌ ആവശ്യമായ വിഷരഹിതപച്ചക്കറികൾ കുടുംബശ്രീ ജെഎൽജി ഗ്രൂപ്പുകൾവഴി ഉൽപ്പാദിപ്പിക്കുക എന്ന ലക്ഷ്യത്തോടെ നടപ്പാക്കുന്ന പദ്ധതിയാണിത്. പൂക്കളത്തിനുള്ള പൂവ് ഉൽപ്പാദിപ്പിക്കാനുള്ള "നിറപ്പൊലിമ' പദ്ധതിയുടെ ഉദ്‌ഘാടനവും ഇതോടൊപ്പം നടന്നു.
വൈസ് പ്രസിഡന്റ്‌ സിനി ജെയ്സൻ, പഞ്ചായത്ത്‌ അംഗങ്ങളായ ബീന ദേവസി, ലിജി തദ്ദേവൂസ്, നിസരി സുഗേഷ്, ഫാം ലൈവ്‌ലിഹുഡ്‌ ബ്ലോക്ക് കോ–-ഓർഡിനേറ്റർ ആതിര അഭിജിത്, അഗ്രി സിആർപി കെ എസ് നിഷ എന്നിവർ സംസാരിച്ചു.
Onakkani project launched in Kuzhuppilly
.jpg)
