.png)
പിറവം : (piravomnews.in) ആമ്പല്ലൂർ കാഞ്ഞിരമറ്റത്ത് ബിരിയാണി കഴിച്ച നൂറോളംപേർ വയറിളക്കം, ഛർദി, പനി തുടങ്ങിയ അസുഖങ്ങളെത്തുടർന്ന് ചികിത്സ തേടി.
പഞ്ചായത്ത് പ്രസിഡന്റ് ബിജു എം തോമസ് ചെയർമാനായ ചികിത്സാസഹായ നിധിയുടെ പേരിൽ നടത്തിയ ബിരിയാണി ചലഞ്ചിൽ ഭക്ഷണം കഴിച്ചവർക്കാണ് അസുഖമുണ്ടായതെന്ന് നാട്ടുകാർ പറയുന്നു. മഹിളാ കോണ്‍ഗ്രസ് മണ്ഡലം പ്രസിഡന്റ് അനു വര്‍ഗീസാണ് ചികിത്സാസഹായനിധി കണ്‍വീനര്‍.
ശനി രാത്രിമുതൽ തയ്യാറാക്കിയ 4500 പാക്കറ്റ് ബിരിയാണിയാണ് ആമ്പല്ലൂർ പഞ്ചായത്തിൽ നൽകിയത്. ഞായർ രാവിലെയാണ് വിതരണം ചെയ്തത്. ഭക്ഷണം കഴിച്ച നിരവധിപേർ ആരോഗ്യപ്രശ്നവുമായി എത്തിയതോടെ ഭക്ഷണം പാകംചെയ്ത അടുക്കളയിൽ ആരോഗ്യവകുപ്പ് പരിശോധന നടത്തിയിരുന്നു.
Food poisoning at Kanjiramattu Biryani Challenge: Around 100 people seek treatment
