.png)
ആലങ്ങാട് : (piravomnews.in) കുന്നേൽ ഉണ്ണീശോ ദേവാലയത്തിന്റെ ശിലാസ്ഥാപനം 29ന് നടക്കുമെന്ന് ഭാരവാഹികൾ വാർത്താസമ്മേളനത്തിൽ പറഞ്ഞു.
ഞായർ വൈകിട്ട് നാലിന് പറവൂർ കോട്ടയ്ക്കാവ് പള്ളിയിൽനിന്ന് വിശ്വാസ ദീപശിഖാപ്രയാണം തുടങ്ങി മാതൃദേവാലയമായ ആലങ്ങാട് സെന്റ് മേരീസ് പള്ളിയിലെത്തും.
ശിലാസ്ഥാപന കർമത്തിനുള്ള കല്ലുകൾ ഫാ. പോൾ ചുള്ളിയുടെ നേതൃത്വത്തിൽ വെഞ്ചെരിപ്പ് നടത്തും.23 മുതൽ 28 വരെ കുന്നേൽ പള്ളിയിൽ ഒരുക്കപ്രാർഥന. 29ന് രാവിലെ 9.30ന് ദിവ്യബലിയും നൊവേനയും.
11ന് മാർ തോമസ് ചക്യാത്ത് ശിലയിടും. വികാരി ഫാ. ജൂലിയസ് കറുകന്തറ, ട്രസ്റ്റിമാമാരായ സജ്ജു ജോസഫ് കളപ്പറമ്പത്ത്, സനിൽ അഗസ്റ്റിൻ കൈതാരത്ത്, നിർമാണ കമ്മിറ്റി കൺവീനർ ജോസ് പോൾ കളപ്പറമ്പത്ത് എന്നിവർ വാർത്താസമ്മേളനത്തിൽ സംസാരിച്ചു.
Kunnel Unniso Church foundation stone laying ceremony on the 29th
