.png)
കാലടി : (piravomnews.in) ഹൃദ്‌രോഗിയുടെ വീട്ടിലേക്കുള്ള യാത്ര തടഞ്ഞ് കാലടി പഞ്ചായത്ത് പാർശ്വഭിത്തി കെട്ടിയ സംഭവത്തിൽ പരാതിയെ തുടർന്ന് പഞ്ചായത്ത് ഉദ്യോഗസ്ഥർ സ്ഥലം സന്ദർശിച്ചു.
അങ്കമാലി ബ്ലോക്ക് പഞ്ചായത്ത് അംഗം സിജോ ചൊവ്വരാന്റെ പരാതിയിലാണ് കാലടി പഞ്ചായത്ത് അസി. എക്സിക്യൂട്ടീവ് എൻജിനിയർ ബോബി ഈപ്പനും അസി. എൻജിനിയർ എസ് പത്മശ്രീയും സ്ഥലം സന്ദർശിച്ചത്.
മൂന്നുമീറ്റർ വീതിയിലും ഏഴുമീറ്റർ നീളത്തിലും പിരാരൂർ 15–--ാംവാർഡിൽ ഹൃദ്‌രോഗിയായ പാറയ്ക്ക ദേവസിക്കുട്ടിയുടെ കുടുംബത്തിന് അടിയന്തരമായി റാമ്പ് നിർമിക്കാമെന്ന ഉറപ്പ് ഉദ്യോഗസ്ഥർ നൽകി. തലാശേരി കനാൽബണ്ട് റോഡ് നിർമാണത്തിന്റെ ഭാഗമായാണ് ദേവസിക്കുട്ടിയുടെ വീട്ടിലേക്കുള്ള വഴി അഞ്ച് അടി പൊക്കത്തിൽ കരിങ്കൽഭിത്തി കെട്ടി പഞ്ചായത്ത് അടച്ചത്.
A ramp will be built for a heart patient's home.
.jpg)
