.png)
അങ്കമാലി : (piravomnews.in) യൂദാപുരത്തുനിന്ന് ആരംഭിച്ച് വേങ്ങൂർ–--കിടങ്ങൂർ റോഡിൽ അവസാനിക്കുന്ന കർദിനാൾ റോഡ് പൊട്ടി തകർന്നുതരിപ്പണമായിട്ടും തുറവൂർ പഞ്ചായത്ത് ഭരണക്കാർക്ക് അനക്കമില്ല.
ഇടതിങ്ങി പാർക്കുന്ന ഈ പ്രദേശത്തെ കുടുംബങ്ങൾ തീരാദുരിതത്തിലായി.കാൽനടയാത്രപോലും സാധ്യമല്ല. റോഡ് മരണക്കുഴികൾകൊണ്ട് നിറഞ്ഞിരിക്കുകയാണ്.വെള്ളം കെട്ടിനിൽക്കുന്ന കുഴികളിൽ വീണ് കാൽനടക്കാർക്ക് പരിക്കേൽക്കുന്നത് നിത്യസംഭവമായി.
പ്രദേശവാസികളുടെ ദുരിതത്തിനുമുമ്പിൽ വാർഡ് അംഗമായ പഞ്ചായത്ത് വൈസ് പ്രസിഡന്റ് മുഖംതിരിഞ്ഞു നിൽക്കുകയാണ്. റോഡ് സഞ്ചാരയോഗ്യമാക്കാത്തപക്ഷം പ്രത്യക്ഷസമരം സംഘടിപ്പിക്കുമെന്ന് സിപിഐ എം ലോക്കൽ കമ്മിറ്റി അംഗങ്ങളായ എം വി മോഹനനും എം ഡി ഡെന്നിയും പറഞ്ഞു.
The Panchayat Administrative Committee is helpless; the road is in ruins.
